لیجئے دوستو آج میں آپ کی خدمت میں آپ کے ورڈپریس بلاگ کے لئے ایک نیا WYSIWYG ایڈیٹر لے کر حاضر ہوا ہوں۔
WYSIWYG مخفف ہے what you see is what you get کا ، یہ ایک کمپیوٹنگ اصطلاح ہے جس کا مطلب ایک ایسا ایڈیٹر ہے جو آپ کو ایک ایسا ماحول مہیا کرتا ہے ۔
جس میں آپ اپنے ٹیکسٹ کو جس انداز میں اپنے ایڈیٹر دیکھتے ہیں بالکل ویسے انداز میں ہی اس کی آؤٹ پٹ ہوتی ہے،
اس کی بہترین مثال مائیکروسافٹ ورڈ اور فرنٹ پیج کا ایڈیٹر ہے۔ اس میں آپ کا صفحہ جیسا آپ کو ایڈیٹ کرتے دکھتا ہے ویسے ہی اس کا پرنٹ یا ویب صفحہ تخلیق پاتا ہے۔
آج میںاپنے مدرس بھیا کی خواہش پر آپ کے لئے ایسا ہی بہترین ورڈپریس پلگ ان لے کر حاضر ہوا ہوں۔
اس کی انسٹالیشن نہایت آسان ہے،
سب سے پہلے یہ پلگ ان ورڈ پریس کی سائیٹ سے اس لنک پر سے ڈاونلوڈ کر لیں،
اب اسے اپنی پلگ ان کی ڈائریکٹری میں رکھ کر Extract کر لیں یا ورڈپریس کے ڈیش بورڈ سے پلگ ان والے سیکشن سے Add New پر کلک کر کے اپلوڈ کر دیں۔
جب یہ پلگ ان اپلوڈ ہو جائے تو اسے Activate کر لیں ، آپ کے ورڈپریس بلاگ کے ڈیش بورڈ Setting سیکشن کے نیچے FCKEditor نامی لنک آ جائے گا اسے کلک کیجئے اور اگر آپ سمجھتے ہیں کہ آپ کو اس میں کچھ تبد یلیوں کی ضرورت ہے تو تبدیلیاں کر لیں اور اگر آپ تبدیلی نہیں کرنا چاہتے ہیں تو بغیر کسی بھی چیز کو چھیڑے واپس آ جائیں، ویسے میں اس میں صرف ایک تبدیلی کرنا چاہتا تھا وہ میں نے کر لی۔
یعنی اس کی Skin کا انتخاب MS Office 2003 والی اسکین کا کیا اب میرا بلاگ بالکل ایسے ہی ہو چکا ہے جیسے مائیکروسافٹ ورڈ کا ہے۔
اس پلگ ان کی ایک اور خاص بات یہ ہے کہ آپ کے بلاگ میں موجود Comments کے ایڈیٹر کو بھی تبدیل کر دیتا ہے یعنی آپ اپنے یوزر کو بھی تقریبا ایسا ہی ایڈیٹر فراہم کر دیتے ہیں جیسا آپ خود استعمال کرتے ہیں تاکہ وہ بھی ایک سٹائلیش طریقے سے Comment کر سکے۔
نیچے اس کی کچھ تصاویر موجود ہیں۔
[center]
[/center]
لیجئے مدرس بھیا یقینا اب آپ تعریف تو کریں گے نا میری۔۔۔
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
جی چاند بابو بہت کم ظرفی کے کی بات ہو گی اگر تعریف نا کروں
ویسے یہ بھی کم ظرفی کی بات ہیکہ صرف تعریف مانگی ہے
اور تعریف تو ویسے بھی صرف اللہ کیلئے ہے میں بندہ تو صرف شکریہ ادا کرتا ہے
اور میں شکریہ کے طور پر جزاک اللہ خیرا کہتا ہوں
بلکہ تمام استعمال کرنے والوں کو جزاک اللہ خیرا کہنا چاہیئے
[/center]
