خوراک دشمن

[شہزاد یمین]

ایک شخص نے بابو ہوٹل میں آرڈر دیا۔چھ پلیٹ مرغی , چار پلیٹ دال , آٹھ پلیٹ سبزی , پانچ پلیٹ قورمہ , ایک ڈش پلاؤ اور پچاس روٹیاں۔۔
تھوڑی دیر بعد یہ آرڈر میزپر سجادیا گیااور وہ شخص یہ سب چشم زدن میں چٹ کر گیا۔۔
کسی سرکس کا مالک یہ سب کچھ دیکھ رہا تھا۔ اس نے نوجوان کے قریب جا کر اس کے کاندھے پر ہاتھ رکھا اور کہا۔۔
میرے سرکس میں کام کروگے۔۔۔؟؟
نوجوان نے پوچھا ۔ کام کیا ہے۔۔؟
مالک نے کہا "یہی جو نم ابھی کر رہے تھے۔" نوجوان نے ہامی بھر لی۔۔ چناچہ جب اس نے پہلے شو میں اس "خوراک دشمنی " کا مظاہرہ کہا تو حاضرین نے تالیاں بجا بجا کر آسمان سر پر اٹھالیا۔۔
سرکس کا مالک خوشی سے ہانپتا اس کے پاس آیا اور بولا؟ نوجوان۔۔! اگر تم دوسرے شو میں بھی اس طرح اپنے فن کا ظاہرہ کرو تو میرے اور تمہارے وارے نیارے ہو جائیں گے۔۔ کیونکہ سارے شہر میں تمہاری دھوم مچی ہے۔اور لوگ ٹکٹ خریدنے کے امڈے آرہے ہیں۔نوجوان نے کہا ٹھیک ہے تم خراک کا انتظام کرو۔۔
چناچہ دوسرے شو میں بھی اس نے چھ پلیٹ مرغی , چار پلیٹ دال , آٹھ پلیٹ سبزی , پانچ پلیٹ قورمہ , ایک ڈش پلاؤ اور پچاس روٹیاں چشم زدن میں صاف کر ڈالیں۔۔ جس پر پنڈال ایک بار پھر تالیوں سے گونج اٹھا۔
سرکس کا مالک شو کے اختتام پر پھر آیا اور کہا۔۔نوجوان میری مانو تو تم تیسرا شو بھی کر ڈالو کہ کاروباری لوگ دکانیں بند کر کے اب فارغ ہوئے ہیں , انہوں نے تمہارے فن کے مظاہرے کی دھوم سنی ہے اور وہ سب سرکس کا رخ کر رہے ہیں۔۔ میں تمہاری فیس چار گنا کردوں گا۔۔تم تیسرا شو ضرور کرو۔۔
یہ سن کر نوجوان نے کاندھے سکیڑے اور کہا کہ " معافی چاہتا ہوں جناب, اب میں مزید کوئی شو نہیں کروں گا۔اب گھر کھانا وانا بھی تو کھانا ہے۔۔"

عطاالحق قاسمی کی "ہنسنا رونا منع ہے " سے ایک شگوفہ۔

[اریبہ راؤ]

[چاند بابو]

[nizamuddin]

ہا ہا ہا ہا

بہت عمدہ بھئی

[شہزاد یمین]

شکریہ جناب