ٹائیں ٹائیں فش

[محمد شعیب]

میرا نام کمال احمد عرف کمالا ۔۔۔۔۔۔۔۔ عرف کالو، عرف کاما، عرف ڈنگر، عرف کھوتا ہے ۔۔۔۔۔۔۔۔ موخر الذکر کچھ ’’عرفیت‘‘ ابا کی عطا کردہ ہیں، باقی میں نے اپنی محنت سے حاصل کی ہیں۔ میں ماں باپ کی اکلوتی اولاد ہوں اور وہ بھی میرے اکلوتے اماں ابا ہیں۔ میں نے زندگی میں آج تک ان کو کسی مسئلے پر متفق ہوتے نہیں دیکھا۔ ان کے تعلقات کی نوعیت بالکل بش اور اسامہ جیسی ہے۔ تاہم ابھی تک کنفرم نہیں ہوسکا کہ دونوں میں سے ’’اسامہ‘‘ کون ہے۔ اماں ابا کبھی کبھار اتنی خونخوار لڑائی لڑتے ہیں کہ دیکھنے والے کو خوامخواہ مزا آنے لگتا ہے۔ میں نے خود کئی دفعہ ان کی لڑائی کو ٹی وی ریسلنگ سے بہتر قرار پایا ہے ۔۔۔۔۔۔۔۔ یہ دونوں کم از کم نورا کشتی تو نہیں لڑتے ۔۔۔۔۔۔ !! ابا چونکہ اونچا سنتے ہیں اس لئے اکثر اماں کی بھڑاس ان کے کانوں تک نہیں پہنچ پاتی۔
بزرگوں سے روایت ہے کہ اماں ابا کی لڑائی کا آغاز شادی کے دوسرے روز ہی ہوگیا تھا جب اماں نے منہ دکھائی میں دی ہوئی ابا کی سونے کی انگوٹھی کو چیک کرایا تو وہ دو نمبر نکلی ۔۔۔۔۔۔۔۔ اماں نے ابا سے شکوہ کیا تو وہ قرآن اٹھانے پر تیار ہوگئے کہ انگوٹھی دو نمبر نہیں ہے ۔۔۔۔۔۔۔ احتیاطاً انگوٹھی کو دوبارہ چیک کرایا گیا تو ابا کا کہا سچ نکلا ۔۔۔۔۔۔۔ انگوٹھی واقعی دو نمبر نہیں بلکہ تین نمبر تھی ۔۔۔۔۔۔۔ اماں نے غصے سے انگوٹھی اتار کر ابا کے ماتھے پر ایسی تاک کر ماری کہ وہاں سیاہ نشان بن گیا۔ بزرگوں کی بات پر اس لئے بھی یقین کرنا پڑتا ہے کہ یہ نشان ابا کے ماتھے پر تاحال موجود ہے، تاہم ابا اسے بزورِ دلائل ’’محراب‘‘ کہتے ہیں۔

(گل نوخیز اختر کے مزاحیہ ناول ’’ٹائیں ٹائیں فش‘‘ سے اقتباس)

[چاند بابو]

ہاہاہاہاہا
بہت خوب.

[nizamuddin]

ہا ہا ہا ہا ۔۔۔۔۔۔۔ بہت خوب۔۔۔۔۔۔ بہت زبردست ناول ہے کہیں سے پورا مل جائے تو شیئر کیجئے۔ میرے پاس موجود ہے مگر پی ڈی ایف فارمیٹ میں ہے ۔۔۔۔۔۔ اس کو ٹائپ کرنا پڑے گا۔

[محمد شعیب]

پی ڈی ایف فائل شئر کردیں.

[اضواء]

ٹو پھر ٹائیں ٹائیں فش ہی سمجھو

[nizamuddin]

ذیل میں لنک دیا جارہا ہے جہاں یہ پی ڈی ایف فارمیٹ میں موجود ہے 272 صفحات ہیں ان کو ڈائونلوڈ کرنے میں وقت لگے گا۔۔۔۔۔۔ آن لائن ہی پڑھ لیں
http://www.oururdu.com/forums/index.php ... %B1.12465/" onclick="window.open(this.href);return false;

[محمد شعیب]

اسے scribd.com پر اپلوڈ کیا گیا ہے. اور سکربڈ کی فائل شئر کرنے کے لئے اردو نامہ میں بٹن بھی موجود ہے. لیکن شاید یہ بٹن کام نہیں کر رہا. میں نے کافی کوشش کی یہ فائل اردو نامہ پر شئر کرنے کی. لیکن نہیں ہو سکی.اب چاند بابو ہی شئر کریں.