::: محرم میں پیش آنے والے أہم تاریخی واقعات :::
السلام علیکم ورحمۃ اللہ و برکاتہ،
تاریخ، سیر، اور تراجم الرجال کی کتابوں میں مذکور ، محرم کے مہینے میں ہونے والے کچھ أہم واقعات کا ذِکر پیش کیا جا رہا ہے، یہ جاننے کے لیے کہ ماہ محرم کو قبل از اسلام اور بعد از اسلام ایسی کوئی فضیلت یا خصوصیت نہیں ملی جِس کی وجہ سے کوئی مُسلمان اپنے روز مرہ کے معمولات میں کوئی تبدیلی کرے ، کِسی اچھے اور نیک کام کی تکمیل سے رُک جائے، سوائے دس محرم (یومء عاشوراء) کا روزہ رکھنے کے، الحمد للہ اِس کی تفصیل الگ مضمون ’’’ ماہ محرم اور ہم ::: http://bit.ly/1iHF1IW ‘‘‘ میں بیان کی جا چکی ہے ،
::: یکم (1) محرم :::
::: اللہ کے نبی ، اِدریس علیہ السلام ، جن کی بعثت آدم علیہ السلام کے دو سو سال بعد ذِکر کی جاتی ہے ، کو آسمانوں کی طرف اُٹھایا گیا،
::: چار ہجری میں رسول اللہ صلی اللہ علیہ وعلی آلہ وسلم نے نجد کے قبیلے بنی محارب اور بنی ثعلبہ کے خِلاف جِہاد فرمایا ،
بیس ہجری میں عمرو ابن العاص رضی اللہ عنہ ُ کی قیادت میں مصر فتح ہوا،
::: 81 ہجری ، مدینہ المنورہ میں ، رسول اللہ صلی اللہ علیہ وعلی آلہ وسلم کے چوتھے بلا فصل خلیفہ أمیر المؤمنین علی رضی اللہ عنہ ُ و أرضاہُ کے بیٹے محمد رحمہُ اللہ کی وفات ہوئی ، جنہیں عام لیکن غلط طور پر محمد بن الحنفیہ کہا جاتا ہے ، جب کہ محمد بن علی کہا جانا چاہیے ،
::: 161 ہجری ، بصرہ میں امام سفیان بن سعید الثوری رحمہُ اللہ کی وفات ہوئی ،
::: 632 ہجری، صوفیا ءکے سلسلہ سھروردیہ کے بانی شھاب الدین ، عمر بن عبدالعزیز رحمہُ اللہ کی وفات ہوئی، جنہیں محمد بن ابو بکر الصدیق رضی اللہ عنہ ُ کی اولاد میں ذِکر کیا جاتا ہے، اور شاید اِسی کی وجہ سے تصوف کے کچھ تانے بانے خلیفہ اول بلا فصل امیر المؤمنین ابو بکر الصدیق رضی اللہ عنہ ُ سے بھی جوڑنے کی کوشش کی جاتی ہے ،
::: 129 ہجری ، یا، 130ہجری، مشہور تاریخ دان (مؤرخ ) محمد بن عمر الواقدی کی پیدائش ہوئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: تین (3) محرم ::: یوسف علیہ السلام کو قافلے والوں نے کنویں میں نکالا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: چار (4) محرم :::
::: 24 ہجری، رسول اللہ صلی اللہ علیہ وعلی آلہ وسلم کے تیسرے بلا فصل خلیفہ عُثمان ذو النورین رضی اللہ عنہ ُ و أرضاہ ُ کی خِلافت کا پہلا دِن ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: سات (7) محرم :::
اللہ تعالیٰ نے کوہء طور پر موسیٰ علیہ السلام سے کلام فرمایا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: نو (9) محرم :::
اللہ کے نبی یُونس علیہ السلام مچھلی کے پیٹ سے واپس نکالے گئے،
موسیٰ علیہ السلام ، یحیی علیہ السلام، اور مریم علیہا السلام کی پیدائش ،
::: 61 ہجری، خلیفہ راشد عمر بن عبدالعزیز رحمہُ اللہ کی پیدائش ،
::: 61 ہجری، ھشام بن عروہ بن الزبیر (رضی اللہ عنہ ُ ) بن العوام کی پیدائش ،
::: 61 ہجری، مفسر و محدث قتادہ بن دعامۃ رحمہُ اللہ کی پیدائش ،
::: 61 3ہجری، فاتح الھند ، سلطان محمود سبکتکین ترکی رحمہُ اللہ کی پیدائش ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: دس (10) محرم :::
موسیٰ علیہ السلام کو اُن کی قوم کے ساتھ فرعون سے نجات دی گئی،اور اِسی پر اللہ کا شکر ادا کرنے کے لیے دس محرم (یومء عاشوراء) کا روزے رکھنے کی تعلیم فرمائی، اور اِس روزے کے بدلے میں ایک سال گناہ معاف ہونے کی خوشخبری عطاء فرمائی ،
عام تاریخی روایت کے مُطابق ، دس محرم کو نواسہ رسول ، جنّت کے جوانوں کے سردار حُسین رضی اللہ عنہ ُ و أرضاہُ کی شہادت واقع ہوئی ،
::: 656ہجری، ھلاکو خان بغداد میں داخل ہوا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: گیارہ (11) محرم :::
::: 295ہجری، اِمام محمد بن عیسیٰ الترمذی (سُنن الترمذی والے) رحمہُ اللہ کی وفات ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: پندرہ (15) محرم :::
::: 295ہجری، رسول اللہ صلی اللہ علیہ وعلی آلہ وسلم کے چچا زاد بھائی، محبوب داماد ، چوتھے بلا فصل خلیفہ أمیر المؤمنین علی رضی اللہ عنہ ُ و أرضاہُ نے قلعہ خیبر فتح کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: سولہ (16) محرم :::
::: دو (2)ہجری، رسول اللہ صلی اللہ علیہ وعلی آلہ وسلم کی خواہش کے مُطابق اللہ تعالیٰ نے بیت المقدس کی جگہ مُسلمانوں کا قبلہ کعبہ شریفہ مقرر فرمایا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: سترہ (17) محرم :::
ابرھہ کی فوج جِس نے کعبہ پر حملہ کیا تھا، اُس فوج پر اللہ تعالیٰ نے ابابیلوں کے ذریعے پتھر برسا کر اُسے تباہ کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: اٹھارہ (18) محرم :::
::: چار سو اُنیس (419)ہجری، امام غزالی رحمہُ اللہ اور کئی دیگر بڑے عُلماء کے استاذ امام الحرمین عبدالملک بن عبداللہ الجوینی کی ولادت ہوئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: بیس (20) محرم :::
::: تین (3)ہجری، رسول اللہ صلی اللہ علیہ وعلی آلہ وسلم کی لاڈلی بیٹی، جنّت کی خواتین کی سردار، فاطمہ رضی اللہ عنہا و أرضاھا کی ، رسول اللہ صلی اللہ علیہ وعلی آلہ وسلم کے چچا زاد محبوب بھائی، چوتھے بلا فصل خلیفہ أمیر المؤمنین علی رضی اللہ عنہ ُ و أرضاہ ُ سے شادی ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: اکیس (21) محرم :::
::: چار سو تیس (430)ہجری، امام احمد بن اصفھانی ابو نعیم رحمہُ اللہ کی وفات ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: بائیس (22) محرم :::
::: (791، یا، 792)ہجری، علامہ سعد الدین مسعود بن عُمر الحنفی رحمہُ اللہ کی وفات ہوئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
::: تئیس (23) محرم :::
::: (438)ہجری،معروف مفسر علامہ أحمد بن محمد الثعلبی رحمہُ اللہ کی وفات ہوئی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
:::چوبیس (24) محرم :::
::: (198)ہجری، خلیفہ مامون عباسی کے بھائی محمد الامین کا قتل ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
:::پچیس (25) محرم :::
::: (95)ہجری،امام زین العابدین علی بن الحسین رحمہُ اللہ کی وفات ہوئی، اور اِنہیں قبرستان بقیع میں دفن کیا گیا، یہ بھی کہا گیا کہ اُن کی وفات بائیس محرم کو ہوئی ،
::: (354)ہجری، معروف ادیب اور مؤرخ ، قاضی محسن بن علی التنوخی کی وفات ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
:::ستائیس (27) محرم :::
::: (64)ہجری، شام سے آنے والی فوج، مدینہ منورہ میں لڑنے کے بعد مکہ مکرمہ میں داخل ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
:::اٹھائیس (28) محرم :::
::: (656)ہجری، ھلاکو کے ہاتھوں خلیفہ مستعصم باللہ قتل ہوا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
:::تیس (30) محرم ::: (189)ہجری، خلیفہ ھارون الرشید کے دور میں جعفر بن یحیی البرمکی کو قتل کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔
مضمون کا برقی نسخہ درج ذیل ربط کے ذریعے حاصل کیا جا سکتا ہے :
http://bit.ly/2zkc1pU
۔۔۔۔۔۔۔۔۔۔۔۔۔۔۔۔۔۔۔۔