بسم اللہ الرحمن الرحیم
Microsoft Outlook ایک email کو پڑھنے والا، محفوظ کرنے والا اور بھیجنے والا سافٹ وئیر ہے۔ اس سے پہلے کہ ہم مزید آگے بڑھیں ہم مندرجہ زیل اصلاحات کا ایک جائزہ لیتے ہیں
1۔ Email کیا ہے؟
2۔ Email کلائنٹ کیا ہے؟
1۔ Email کیا ہے؟
یہاں پر E کے معنی الیکٹرونک (Electronic) کے ہیں اور mail کے معنی خط کے ہیں یعنی ایک ایسا خط کہ جسکو برقی طریقے یا بجلی کے شکل میں بھیجا جائے۔ عموما ہم خطوط کو کاغذ پر لکھتے ہیں اور اسکے بعد ان کے اوپر جس کو بھیجنا ہے کا پتہ لکھ دیتے ہیں اور ساتھ ہی ساتھ یہ بھی لکھ دیتے ہیں کہ کس کی طرف سے آیا ہے۔ بالکل اسی طرح ہم جب برقی خط یا Email ارسال کرتے ہیں تو جس کو بھیجنا ہے اسکا پتہ یعنی Email ایڈرس لکھ دیتے ہیں جسکی نشانی @ ہوتی ہے مثال کے طور پر myihpk@gmail.com اب یہاں پر myihpk میرا نام ہے @ کا مطلب ہے کہ یہ ایک ایمیل ہے اور gmail.com وہ ڈمین یا جگہ ہے جہاں سے میری تمام ایمیل جاتی ہیں اور وہیں پر مجھے ایمیلز موصول بھی ہوتی ہیں. یہاں ہمارا پتہ خودبخود اسی کے ساتھ چلا جاتا ہے لہذا ہمیں اپنا پتہ لکھنے کی ضرورت نہیں ہوتی۔
2۔Email کلائنٹ کیا ہے؟
اسکے معنی یہ ہیں کہ جب ہم کو اپنی Email پڑھنی ہوگی تو اسکے لیے ہم کو مخصوص قسم کا سافٹ وئیر استعمال کرنا ہوگا جس کو Email کلائنٹ بولا جاتا ہے۔ عموما ہم اپنی Email کو انٹرنیٹ ایکسپلورر یا کسی بھی براوزر میں ہی چیک کرتے ہیں، کیوں کہ Email سروس فراہم کرنے والوں نے ایسے Email کلائنٹ بنائے ہیں جو کہ براؤزر میں ہی چلتے ہیں۔ یہ سہولت تقریبا تمام Email سروس فراہم کرنے والے دیتے ہیں ان میں کچھ ایک کے نام یہ ہیں۔
1۔ Yahoo
2۔ Google Gmail
3. Microsoft MSN, Hotmail, Live Mail, Outlook
واضع رہے کہ اوپر دئیے گئے کلائنٹس کے لیے انٹرنیٹ کا ہونا ضروری ہے چاہے آپکو ایمیل پڑھنی ہو یا بھیجنی ہو۔ اسکے علاوہ کچھ کلائنٹس ایسے بھی ہوتے ہیں جن کو ہر وقت انٹرنیٹ کی ضرورت نہیں ہوتی جیسے کہ Thunderbirdیا Microsoft Outlook وغیرہ وغیرہ۔
نوٹ: سوال فقط موضوع کے حوالے سے کیجئے گا اور خیال رہے کہ جو لکھا ہے سوال اسی میں سے ہو تا کہ موضوع کی شائستگی برقرار رہے۔
