اردونامہ فورم

غم بانٹنے کی چیز نہیں پھر بھی دوستو
اک دوسرے کے حال سے واقف رہا کرو

مر جاے تو بڑھ جاتی ہے انسان کی قیمت
زندہ ہو تو جینے کی سزا دیتی ہے دنیا

السلام علیکم و رحمۃ اللہ کیسے ہیں سب دوست

کوئ شخص روزی اپنی لیاقت اور طاقت سے نہیں حاصل کرتا. اللہ سب کا رازق ہے.
نطفے کو خوبصورت انسان بنا دینا اللہ تعالی کی قدرت کا اعجاز ہے . پانی کی بوند پر ایسے نقش و نگار کوئ نہیں بنا سکتا.

جب تو خدا سے مغفرت و عطا کا طالب ہے تو جن لوگوں کی امیدیں تیری ذات سے وابستہ ہیں تو انہیں بھی محروم و مایوس نہ کر.
جیسا سلوک تو مخلوق خدا سے کرے گا ویسا ہی سلوک خدا تیرے ساتھ کرے گا.

احساس کے مزار پہ عازم لہو چڑھا
وہ فاصلے پڑے ہیں کہ رشتے سکڑ گۓ

میں جاتا ہوں دل کو ترے پاس چھوڑے
مری یاد تجھ کو دلاتا رہے گا

اندھیرا مانگنے آیا تھا روشنی کی بھیک
ہم اپنا گھر نہ جلاتے تو اور کیا کرتے

آنکھوں کا رنگ بات کا لہجہ بدل گیا


وہ شخص ایک شام میں کتنا بدل گیا

بات کرتا ہے کہ خوشبو کو بدن دیتا ہے


اس کا لہجہ تو گلابوں کو دہن دیتا ہے

ہمنشیں!پوچھ نہ مجھ سے کہ محبت کیا ہے

اشک آنکھوں میں ابل آتے ہیں اس نام کے ساتھ

تجھ کو تشریح محبت کا پڑا ہے دورہ

پھر رہا ہے مرا سر گردش ایام کے ساتھ

تجھے واسطہ خدا کا میں اداس ہوں بلا کا

کوئ مے بھری صراحی میرے ساقیا اٹھا لا

یہ غم حصول دنیا یہ خیال روز عقبی

میری جان کے تھے درپے ترے عشق نے سنبھالا

میں ڈر رہا ہوں کنارا کہیں سے ٹوٹے گا

مچل رہا ہے سونامی سا میرے من میں کہیں

آتی ہے دم صبح صدا عرش بریں سے

کھویا گیا کس طرح ترا جوہر ادراک

کس طرح ہوا کند ترا نشتر تحقیق

ہوتے نہیں کیوں تجھ سے ستاروں کے جگر چاک

زندہ رہیں تو کیا ہے جو مر جائیں ہم تو کیا

دنیا سے خامشی سے گزر جائیں ہم تو کیا

دل ہجر کے درد سے بوجھل ہے اب آن ملو تو بہتر ہے

اس بات سے ہم کو کیا مطلب یہ کیسے ہو یہ کیونکر ہے

اک بھیک کے دونوں کاسے ہیں اک پیاس کے دونوں پیاسے ہیں

ہم کھیتی ہیں تم بادل ہو ہم دریا ہیں تم ساگر ہو

ابن انشاء

تمام دوستوں کو میری طرف سے عید مبارک

وہ اس انداز کی مجھ سے محبت چاہتا ہے

مرے ہر خواب پر اپنی حکومت چاہتا ہے

کیسے دن تھے کیسی راتیں کیسی باتیں گھاتیں تھیں

من بالک ہے پہلے پیار کا سندر سپنا بھول گیا

کچھ تو ہی میرے کرب کا مفہوم سمجھ لے

ہنستا ہوا چہرہ تو زمانے کے لیے ہے