اردونامہ فورم انٹرنیٹ پر اردو زبان و ادب کے فروغ کے لیے کوشاں
کوئی بھی سرور اس طرح مرتب کیا جاتا ہے کہ یوزر جب بھی ایک سائیٹ کا لنک کھولتا ہے تو سرور کے پاس ایک درخواست بھیجی جاتی ہے کہ فلاں یوزر فلاں لنک کھولنا چاہتا ہے جو سرور میں فلاں فائل کا لنک ہے. اس درخواست کے جواب میں سرور یوزر کو وہ فائل دکھا دیتا ہے.
اب سرور کی کنفیگریشن میں یہ بات لکھی ہوتی ہے کہ ایک وقت میں وہ زیادہ سے زیادہ کتنی درخواستیں قبول کرے گا اور اس سے زیادہ ہونے والی درخواستوں کو وقتی طور پر غیرمنظور کرے گا. فرض کریں آپ کے سرور پر یہ کنفگریشن 25 درخواستیں ایک سکینڈ کے لئے درج ہیں تو جو بھی یوزر 26 ویں درخواست بھیجے گا سرور اس درخواست کو قبول نہیں کرے گا اور آپ کو ایک ایرر کا صفحہ دکھائے گا جو ایرر کوڈ 503 یعنی Service Unavailable کا صفحہ ہو گا. آپ صفحہ ریفریش کریں گے اور اگر اس دوران درخواست کرنے میں آپ کا نمبر 25 یا اس سے نیچے ہوا تو آپ کو اصل ویب نظر آ جائے گی بصورت دیگر پھر یہی صفحہ نظر آ جائے گا.
