جادو کی اقسام اور انکا مکمل قرآنی علاج

جادو کئی ناموں اور پردوں میں ہمارے معاشرے میں ناصرف موجود ہے بلکہ جادوگر چند روپوں کی خاطرمعاشرے کے مصیبت زدہ اور پریشان حال لوگوں کے ایمان سے کھیلنے کے ساتھ ساتھ معاشرے میں دن رات فساد برپا کرنے میں مصروف ہیں ۔ ان جادوگروں اور جادو کے پردے چاک کرنے کے لئے الشیخ وحید عبدالسلام بالی نے یہ معرکتہ الاآرا کتاب لکھی ہے ۔ اس کتاب کے کئی درجن ایڈیشن مختلف زبانوں میں شائع ہو کر مقبولیت حاصل کر چکے ہیں ۔یہ پہلی کتاب ہے جس میں جادو کی مختلف اقسام اور انکا مکمل قرآنی علاج تفصیل اور علامات کے ساتھ موجود ہے ۔
شیخ بالی کا شمار دنیا کے معروف علماء میں ہوتا ہے ۔ روحانی علاج اورعمل کے سلسلے میں انہیں سعودی حکومت کی خصوصی اجازت حاصل ہے ۔
انکا کہنا ہے کہ انہوں نے یہ کتاب اسلئے لکھی ہے کہ معاشرے میں دکھی اور پریشان حال مسلمان ، جادو اور اسکی تاثیر سے بیمار ہونے کے بعد اسکا علاج شرعی طریقے سے کریں ۔ نظرِ بد اور حسد کا شکار ہونے کے بعد جادو گروں اور شعبدہ بازوں کے پاس جا کر اپنے عقائد اور مال و دولت لو تباہ نہ کریں ۔