کراچی دنیا کے 5 سستے ترین شہروں میں سے ایک قرار

[محمد شعیب]

کراچی: کراچی دنیا کے 5 سستے ترین شہروں میں سے ایک ہے۔
اکنامسٹ انٹیلی جنس یونٹ کی جانب سے معاملات زندگی کی لاگت کے اعتبار سے ہر2 سال بعدجاری کی جانے والی رپورٹ میں سنگاپور کو دنیا کے 131 شہروں میں سے مہنگا ترین شہر قرار دیا گیا ہے تاہم دنیا کا سب سے سستا ترین شہر بھی ایشیا میں بھارت کا مالیاتی مرکز ممبئی ہے۔ رپورٹ کے مطابق فوکوشیما پاورپلانٹ کے سانحے کے بعد ٹوکیو دنیا کا سب سے مہنگا شہر نہیں رہا اور اب اس کی درجہ چھٹا ہے۔ رپورٹ کے مطابق زندگی گزارنے کی لاگت میں اضافے، کرنسی کی قدر بڑھنے اور افراط زر کی شرح بڑھنے کی وجہ سے سنگاپور دنیا کا سب سے مہنگا شہر قرار پایا۔
یاد رہے کہ سنگاپور میں قدرتی وسائل کی قلت کے باعث ضرورت کا ایندھن اور پانی درآمد کیا جاتا ہے جبکہ ٹرانسپورٹ کی لاگت نیویارک کے مقابلے میں3 گنا زیادہ ہے، ساتھ ہی یہاں کپڑے بھی دنیا میں سب سے زیادہ مہنگے ہیں۔ رپورٹ کے مطابق مہنگے شہروں میں پیرس کا نمبر دوسرا، اوسلو کا تیسرا، زیوریخ کا چوتھا، سڈنی کا پانچواں، کراکس، جنیوا، میلبورن اور ٹوکیو کا چھٹا جبکہ کوپن ہیگن کا 10 واں نمبر ہے۔ رپورٹ کے مطابق دنیا کا سستا ترین شہر ممبئی ہے اور اس کے بعد کراچی، نئی دہلی، دمشق اور کٹھمنڈو کا نمبر آتا ہے۔

[چاند بابو]

چلئے کچھ تو ہے جس پر کراچی فخر کر سکتا ہے.

[پپو]

[اضواء]

شئیرنگ پر آپ کا شکریہ

[افتخار]

معلومات فراہم کرنے کابہت شکریہ،

دل توبہت کرتا ھے کراچی کی سیر کرنے کو لیکن حالات کو دیکھ کر دور سے ہی کراچی کی سیر کر لیتا ہوں،

[محمد شعیب]

بھائی پاکستان تو کیا دنیا میں شاید کراچی جیسا بہترین شہر نہیں ہو گا. یہ غریبوں کی ماں ہے.
لیکن چند گروپس نے اس کا سکون چھین لیا ہے. اللہ کراچی کو اور پورے پاکستان کو امن کا گہوارہ بنائے..

[چاند بابو]

آمین ثم آمین

[فاروق احمد شیخ]

[رضی الدین قاضی]

شیئرنگ کے لیئے شکریہ

میں سمجھ رہا تھا بمبئی بہت مہنگا شہر ہے

اب پتا چلا کہ بمبئی سب سے سستا شہر ہے تو افتخار بھائی کو چاہیئے کہ بمبئی کی سیر کا پراگرام بنالیں.

[محمد شعیب]

شیئرنگ کے لیئے شکریہ

میں سمجھ رہا تھا بمبئی بہت مہنگا شہر ہے

اب پتا چلا کہ بمبئی سب سے سستا شہر ہے تو افتخار بھائی کو چاہیئے کہ بمبئی کی سیر کا پراگرام بنالیں.

قاضی صاحب
ہمیں بھی تو دعوت دو