امی
Posted: Thu Nov 21, 2013 10:28 pm
دوروں بیٹھ دعاوواں کردی امی
دکھ ساڈے لیکھاں دے جردی امی
ویڑے وچ بیٹھی دا دل جیہا ڈولے
سانوں نہ کج ہو جاوئے ڈردی امی
دنیا تے سکھ تے امن تاں ائیں
کیونکہ سبھناں کول اولی ماں ائیں
تاپ چڑے تے سر پٹیاں کردی امی
سانوں نہ کج ہو جاوئے ڈر دی امی
رب نہ کرے ایسی مصیبت آوے
ٹیڈوں جمیا پہلاں ای نہ ٹُر جائے
اے گل سن کے ڈردی امی
سانوں ای نہ کج ہو جاوے ڈردی امی
تپاں وچ چنی دی کردی چھاواں
پت نوں کیتے تپ نہ لگ جاوے کہندی امی
سانوں دل دی نگ تے ٹھردی امی
سانوں نہ کج ہو جاوئے تے ڈردی امی
جیناں نے ماواں دا مل نئیں پایا
انہاں دنیا دے بڑا گناہ کمایا
ویسے تے رشتے نئیں ہور بتھیرے
پر ماں واں دے باجوں گھراں دے وچ ہنیرے
رونق اے ساڈے گھر دی امی
سانوں نہ کج ہو جاوئے ڈردی امی
دوروں بیٹھ دعاواں کردی امی
دکھ ساڈے لیکھاں دے جردی امی
ویڑے دے وچ بیٹھی دا دل جہیا ڈولے
سانوں نہ کج ہو جاوے ڈردی امی