کیا کریں اس ملک میں ہر چیز کی ہڑتال ہے؟؟؟؟؟؟؟؟؟؟؟

[میاں محمد اشفاق]

کس کمینے کی ہے سازش، کس چوَل کی چال ہے
کیا کریں اس ملک میں ہر چیز کی ہڑتال ہے

لوڈشیڈنگ نے دئیے ہیں اس طرح کے رتجگے
کوئی دوزخ میں بھی جائے گر تو گرمی نہ لگے
میرے پیارے واپڈا کی بس یہی اوقات ہے
چار گھنٹے لائٹ ہے اور پھر اندھیری رات ہے
بددعا دے دے کر تالو خشک اور منہ لال ہے
کیا کریں اس ملک میں ہر چیز کی ہڑتال ہے

بند سی این جی سٹیشن نہ ملے پٹرول ہی
پڑ گیا ڈاکہ جہاں ناکہ تھا خاصا کول ہی
دیکھ کر منظر سارا ہاتھ کیا ان کے ہلیں
جن کہ پیٹی میں سے پسٹل کی جگہ سگریٹ ملیں
ڈاکوؤں کو علم ہے سرکار اپنے نال ہے
کیا کریں اس ملک میں ہر چیز کی ہڑتال ہے

کس قدر پہنچے ہوئے کہ بس زباں ان کی ہلے
چائے پینے کے لئے دو چار ارب قرضہ ملے
کون کہتا ہے سارا معاف کرواتے ہیں یہ
جو کہیں تو چار پانچ سو واپس بھی لوٹاتے ہیں یہ
اور پھر یہ بولتے ہیں گورنمنٹ کنگال ہے
کیا کریں اس ملک میں ہر چیز کی ہڑتال ہے

گالیاں نکلیں زباں سے ہاتھ سے پتھر چلا
نہ چلا تو ملک کا قانون نہ ان پر چلا
چل گئے گھونسے، چپیڑیں اور اینٹیں چل گئیں
کرسیاں تو چھوڑئیے، میک اپ کی کٹیں چل گئیں
یہ اسمبلی ہے جہاں لوٹا بنا فٹبال ہے
کیا کریں اس ملک میں ہر چیز کی ہڑتال ہے

جیب میں دھیلا نہیں اور چانپ کھانے کی لگن
دوڑ جا تیرا یہاں کیا کام ہے، بولا مٹن
چھوڑ دے میری طلب کہنے لگا مرغ چمن
تو اگر میرا نہیں بنتا نہ بن اپنا تو بن
تیرے حصے میں فقط چٹنی ہے یا پھر دال ہے
کیا کریں اس ملک میں ہر چیز کی ہڑتال ہے

حال پتلے ہو چکے ہیں اب سبھی کے کیا کریں
قیمتیں سن کر پڑیں دورے غشی کے کیا کریں
ریٹ ڈیلی چینج ہونے لگ گئے ہر چیز کے
صرف گاڑی ہی نہیں اب ہیں چکن بھی لیز پہ
ہر بجٹ کا سلسلہ سمجھو کہ سارا سال ہے
کیا کریں اس ملک میں ہر چیز کی ہڑتال ہے

باپ کا بچوں کے دل میں اب کہاں وہ ڈر رہا
اور باتیں چھوڑئیے، شوہر نہ اب شوہر رہا
ہاؤس وائف تھی کبھی قصہ پرانا ہے جناب
اب یہاں پر ہاؤس ہسبنڈ کا زمانہ ہے جناب
گھر گرہستی بیویوں کے واسطے جنجال ہے
کیا کریں اس ملک میں ہر چیز کی ہڑتال ہے

یا ہوں پونی بال اس کے یا نِرا گنجا ملے
اب مفکّر وہ ہے جس کے ہاتھ میں سوٹا ملے
شاعری کے نام پر بھی کیا نیا جذبہ ملے
اب کہیں مُنّی ملے، بےبو ملے، شِیلا ملے
اب یہاں فیض ہے، غالب ہے نہ اقبال ہے
کیا کریں اس ملک میں ہر چیز کی ہڑتال ہے

ڈنگ ٹپاؤ سوچ ہے اور چل چلاؤ کام ہے
جس قدر عہدہ بڑا ہے اس قدر بدنام ہے
تھا انگوٹھا چھاپ، لیکن اک بڑا افسر رہا
کام جس کا جو نہیں ہے وہ وہی ہے کر رہا
محکمہ اس واسطے ہر ایک ہی بے حال ہے
کیا کریں اس ملک میں ہر چیز کی ہڑتال ہے

[میاں محمد اشفاق]

[بلال احمد]

بڑی سچی شاعری ہے

[افتخار]

اب صرف عورتوں نے ہڑتال نہیں کی ورنہ کھانا بھی نہ ملتا.

[بلال احمد]

ہمارے لیے تو ہڑتال ہی ہے ، ہمیں کونسا چائے ملی

[پپو]

[میاں محمد اشفاق]

ہمارے لیے تو ہڑتال ہی ہے ، ہمیں کونسا چائے ملی

شکر کریں ہڑتال میں چائے نہیں ملی ورنہ شائد چائے کے بعد چپیڑیں ملتی وہ کراری کراری

[محمد شعیب]

[اضواء]

ہمارے لیے تو ہڑتال ہی ہے ، ہمیں کونسا چائے ملی

چائے کا ذکر اب کیوں شروع ہورہا ہے

[میاں محمد اشفاق]

کیونکہ بلال بھائی کو تب سے اب تک کسی نے بھی چائے کا نہیں‌پوچھا وچارے.............

[اضواء]

کیونکہ بلال بھائی کو تب سے اب تک کسی نے بھی چائے کا نہیں‌پوچھا وچارے.............

افتخار بھیا کے ذمہ ہے چائے کا پروگرام ...

[چاند بابو]

ہاہاہاہاہا
میاں صاحب بھئی بہت خوب.
بہت بہترین شاعری ہے.
یہ بات حقیقت مگر مزاح کے لبادے میں لپٹی ہوئی.

بہترین.

اور یہ اضواء نے کہاں چار سال پہلے والی بات اب دوبارہ یاد کروا دی.
ارے افتخار صاحب اب تو اس چائے سے ویسے ہی مکر گئے ہوں گے.

[میاں محمد اشفاق]

تو آپ نے انہیں مکرنے کیوں دیا محترم

[nizamuddin]

ہا ہا ہا ہا ہا۔۔۔۔۔۔ بہت عمدہ جناب

[بلال احمد]

ہمارے لیے تو ہڑتال ہی ہے ، ہمیں کونسا چائے ملی

شکر کریں ہڑتال میں چائے نہیں ملی ورنہ شائد چائے کے بعد چپیڑیں ملتی وہ کراری کراری

میاں صاحب اپنی آپ بیتی ہمیں نہ سنائیں.

[بلال احمد]

ہاہاہاہاہا
میاں صاحب بھئی بہت خوب.
بہت بہترین شاعری ہے.
یہ بات حقیقت مگر مزاح کے لبادے میں لپٹی ہوئی.

بہترین.

اور یہ اضواء نے کہاں چار سال پہلے والی بات اب دوبارہ یاد کروا دی.
ارے افتخار صاحب اب تو اس چائے سے ویسے ہی مکر گئے ہوں گے.

چاند بھائی افتخار کو مکرنے نہیں دیں گے،