کراچی ميں فائرنگ اورديگر مختلف واقعات ميں جاں بحق افراد کي تعداد تين بچوں اورخاتون سميت11 ہو گئي ہے جبکہ32سے زائد زخمي ہوگئے ہيں، فائرنگ سے زخميوں ہونے والوں ميں پوليس اہلکاربھي شامل ہے .اب تک 10گاڑيوں،درجنوں موٹر سائيکلوں اور پان منڈي کے قريب متعدد دوکانوں کو نذر آتش کر ديا گيا ،فائرنگ سے جاں بحق افراد کے لواحقين لاشيں لينے اسپتال پہنچنا شروع ہوگئے ہيں. نمائندہ جيو نيوزکے مطابق نجي ٹي وي کے رپورٹر اسلم خان اور کيمرہ مين بھي زخميوں ميں شامل ہيں . کراچي کے علاقے بولٹن مارکيٹ اوراولڈسٹي کے مختلف علاقوں ميں فائرنگ کے بعددکانيں بند ہوگئيں،پوليس کے مطابق نامعلوم افراد نے بولٹن مارکيٹ اوراولڈسٹي ايرياميں فائرنگ کر دي جس کے بعد وہاں بھگدڑمچ گئي اور دُکانيں بند ہوگئيں،اسپتال ذرائع نے خاتون سميت9لاشيں اسپتال لائے جانے کي تصديق کي ہے جبکہ مزيد افراد دوران علاج جاں بحق ہو گئے،زخميوں ميں شديد زخمي بھي موجود ہيں اورخدشہ ظاہر کيا جارہا ہے کہ ہلاکتوں ميں اضافہ ہو سکتا ہے .فائرنگ اور خوف وہراس کي وجہ سے ميڈيسن کي ہول سيل مارکيٹ بھي بند ہو گئي جبکہ صرافہ بازارکے اطراف فائرنگ سے خوف وہراس پھيل گيا.دوسري جانب ترجمان عوامي تحريک کے مطابق فائرنگ سے سندھ محبت ريلي ميں شريک کئي خواتين زخمي ہوئيں.
