قرآن، حدیث، اجماع، قیاس

[محمد شعیب]

انسان جو بھی فعل کرتا ہے اس کا شرعی حکم معلوم کرنا بھی ضروری ہے.
افعال مسلم کی کچھ اقسام ہیں.

فرض، واجب، مسنون، مستحب، مباح، مکروہ تنزیہی، مکروہ تحریمی، حرام

اس لئے اپنے ہر معاملے خصوصا کاروبار، نکاح و طلاق وغیرہ کے بارے میں مستند مفتیان کرام کی طرف رجوع کرنا ضروری ہے.

اس دھاگے میں ایک اصول ذکر کرنا مقصود ہے. اور وہ یہ کہ کسی بھی معاملے کی شرعی حیثیت معلوم کرتے وقت سب سے پہلے قرآن کی طرف رجوع کیا جائے گا. اگر وہ مسئلہ صراحۃ قرآن میں مل جائے تو بات ہی ختم. اگر ہمیں قرآن میں نہ ملے تو احادیث مبارکہ میں تلاش کیا جائے گا. اگر وہاں بھی نہ ملے تو اجماع امت کی طرف آئیں گے.
اجماع کیا ہے ؟
صحابہ یا تابعین کا کسی مسئلے پر متفق ہونا اجماع کہلاتا ہے.

اگر اجماع میں بھی نہ ملے تو "قیاس شرعی" سے وہ مسئلہ حل کیا جائے گا.
قیاس شرعی کیا ہے ؟

اگر کوئی ایسا مسئلہ درپیش ہو جس کے بارے میں قرآن، حدیث، اجماع امت تینوں میں کوئی دلیل نہ ملے تو مجتہد علماء قرآن و حدیث کے اصولوں کو پیش نظر رکھتے ہوئے اس نئے مسئلے کا شرعی حل نکالیں گے.

قیاس کے بہت سے اصول ہیں جو اصول فقہ کی کتب میں مذکور ہیں.
لہٰذا کسی بھی شرعی مسئلے کے لئے چار اصول (بنیادیں) ہوئے.

1. قرآن 2. حدیث 3. اجماع 4. قیاس

[رضی الدین قاضی]

جزاک اللہ

[محمد شعیب]

وایاک

[اضواء]

جزاك االلہ کل خیر ..

[محمد شعیب]

وایاک

[احمداسد]

جزاک اللہ خیرا