عشق جب بن کے خدا دل کے قریں رہتا ہے

[فاروق درویش]

عشق جب بن کے خدا دل کے قریں رہتا ہے
پھر زمانے کے کہاں زیر ِ نگیں رہتا ہے

آج خوابوں کے طلسمات میں کھوئی ہے حیات
کل ہی مل جایے گی تعبیر یقیں رہتا ہے

روشنی ڈھونڈنے نکلا تھا جو میخانوں میں
قصر ِ ظلمت میں وہ اب تخت نشیں رہتا ہے

منزل عشق کی راہوں کے مسافر ہم لوگ
دشت لیلی میں ہی ہر قیس مکیں رہتا ہے

بے حجابی ہے تری مہر ِ منور کی طرح
چاند بدلی سے جو نکلے تو حسیں رہتا ہے

جب سے اترا ہے وہ نظروں میں حسین ماہ ِجبیں
دل کے پردوں میں کہیں پردہ نشیں رہتا ہے

میں گدائے شہہ لولاک ، دو عالم ہیں مرے
میری نظروں میں یہاں خلدِ بریں رہتا ہے

رات درویش کی آنکھوں میں چمکتے ہیں نجوم
دل میں اک چاند حسیں سجدہ نشیں رہتا ہے

فاروق درویش

[یاور عظیم]

ماشا ء اللہ

[اضواء]

عشق جب بن کے خدا دل کے قریں رہتا ہے
پھر زمانے کے کہاں زیر ِ نگیں رہتا ہے


رات درویش کی آنکھوں میں چمکتے ہیں نجوم
دل میں اک چاند حسیں سجدہ نشیں رہتا ہے

فاروق درویش

[/color]


بہترین کلمات اور خوب صورت شاعری پئش کرنے پر آپ کا بہت بہت شکریہ

جاری رکھئیے ....

[زین]

جب سے اترا ہے وہ نظروں میں حسین ماہ ِجبیں
دل کے پردوں میں کہیں پردہ نشیں رہتا ہے



فاروق درویش

بہت خوب زبردست

[فاروق درویش]

محترم و معزز برادر یاور عظیم صاحب، پیاری بیٹی اضواء صاحبہ اور برادرم زین صاحب کی پزیرائی اور محبتوں کیلئے ممنون ہوں، اللہ سبحان تعالیٰ سدا با مراد ، سدا خوش آباد رکھے . الہی آمین