باندھے گا زمانے کی نظر مجھ سے زیادہ

[یاور عظیم]

[center]غزل

باندھے گا زمانے کی نظر مجھ سے زیادہ
مشاق ہے وہ شعبدہ گرمجھ سے زیادہ

منزل کی تمنا میں سر ِ راہ ِ تمنا
ہو گا نہ کوئی خاک بسر مجھ سے زیادہ

وہ لوگ جو ہیں قلزم ِ دنیا کے شناور
رکھتے نہیں دنیا کی خبرمجھ سے زیادہ

آگے میں کسی شخص کو بڑھنے نہیں دیتا
بےشک ہو اُسے شوق ِ سفر مجھ سے زیادہ

کیوں سوئے فلک دیکھتے رہتے ہو بتائو
محبوب ہیں کیا شمس و قمر مجھ سے زیادہ

مانا کہ مری قدر ہے بازار ِ سُخن میں
ہے قیمتی لیکن وہ گُہر مجھ سے زیادہ

مجھ کو بھی تحیر ہے خدوخال پہ اپنے
حیران ہے آئینہ مگر مجھ سے زیادہ

یاور مری اِک عمر سمندر میں کٹی ہے
کس شخص نے دیکھے ہیں بھنور مجھ سے زیادہ

یاور عظیم[/center][center][/center]

[اضواء]

بہت ہی خوب ....

آپ کا شکریہ ...

[پپو]

[علی عامر]

[یاور عظیم]

آپ تمام کا بے حد شکریہ.

[زین]

[center]غزل
یاور مری اِک عمر سمندر میں کٹی ہے
کس شخص نے دیکھے ہیں بھنور مجھ سے زیادہ

یاور عظیم[/center][center][/center]

بہت خوب زبردست

[یاور عظیم]

بہت شکریہ زین...