میں تو ہوں اک سیپ کا موتی

[زارا]

[center]میں تو ہوں اک سیپ کا موتی، بیچ سمندر رہنا تھا
آبِ رواں سے تاب بڑھی تھی، طوفانوں کو سہنا تھا

دیکھ رہی ہوں خون کا دریا، ڈھونڈ رہی ہوں قاتل کو
میں نے خود کو قتل کیا ہے، یہ مقتول کا کہنا تھا

آنکھوں میں چبھتی رہتی ہیں، کرچیں ٹوٹے خوابوں کی
کرب نہ سہہ پائیں جب آنکھیں، اشکوں کو تو بہنا تھا

میری فصیلِ جاں تو کب سے، زخموں سے مسمار ہوئی
ڈھلتی عمر کا ڈھلتا سورج، ڈھلتی عمر کا گہنا تھا

آؤ میرے پاس بھی بیٹھو، دکھ سکھ اپنا بانٹیں ہم
کچھ باتیں مجھ کو کرنی ہیں، کچھ تم کو بھی کہنا تھا[/center]

[اعجازالحسینی]

آنکھوں میں چبھتی رہتی ہیں، کرچیں ٹوٹے خوابوں کی
کرب نہ سہہ پائیں جب آنکھیں، اشکوں کو تو بہنا تھا

[بلال احمد]

شیئرنگ کیلئے شکریہ

[نورمحمد]

[پپو]

[اضواء]