مدحِ رسُولؐ

[محمد]

[center]مدحِ رسُولؐ[/center]
[center]ہر دم درودِ سرورِ عالمؐ کہا کروں
ہر لمحہ محوِ روئے مکرّم رہا کروں
اسمِ رسولؐ ہو گا ، مداوائے دردِ دِل
صلِّ علیٰ سے دل کے دُکھوں کی دوا کروں
ہر سطر اس کی اَسوۂ ہادیؐ کی ہو گواہ
اِس طرح حالِ احمدِ مُرسلؐ کہا کروں
معمُور اس کو کر کے معرّا سطور سے
ہر کلمہ اس کا دِل کے لہو سے لکھا کروں
گو مرحلہ گراں ہے، مگر ہو رہے گا طَے
اسمِ رسولؐ سے ہی درِ دل کو وا کروں
ہر دَم رواں ہو دل سے دُرودوں کا سلسلہ
طَے اس طرح سے راہ کا ہر مرحلہ کروں
دے دوں اگر رسولِ مکرّمؐ کا واسطہ!
دل کی ہر اک مُراد مِلے، گر دُعا کروں
اس کے علاوہ سارے سہاروں سے ٹوٹ کر
اللہ کے کرم کے سہارے رہا کروں
ہو کر رہے گا سہل، ہر اک مرحلہ کڑا
اللہ کے کرم کا اگر آسرا کروں
اُردُو کو اِک رسالۂ الہام دُوں ولی
لوگوں کو دَورِ ہادئ عالمؐ عطا کروں
[/center][center]---محمد ولی (رازی)---[/center]

[افتخار]

جزاک اللہ۔

[علی عامر]

جزاک اللہ.


صل اللہ علیہ و آلہ وسلم.

[اعجازالحسینی]

جزاک اللہ

[اضواء]

السلام عليكم و رحمة الله و بركاته

أحسنت و بارك الله فيك

[چاند بابو]

بہت خوب نہایت مدحا سرائی ہے۔
شئیرکرنے کا بہت بہت شکریہ۔

[بلال احمد]

جزاک اللہ

[محمد]

آپ سب کا بہت شکریہ.