تقریبا ایک سال پہلے سے گوگل اس نئے انٹرفیس کو چند ایک چنیدہ پبلشرز کی آئی ڈی کے ساتھ آزمائشی بنیادوں پر چلا رہا تھا،
جانچ پڑتال مکمل ہونے کے بعد اب ایک سال بعد گوگل نے اسے اپنے تمام صارفین کے لئے جاری کر دیا ہے لیکن اسے ابھی بیٹا ورژن کا درجہ دیا گیا ہے۔
فی الحال اس ورژن کو ترتیب دینے کے لئے جن معلومات اور تجاویز کا سہارا لیا گیا تھا وہ یہی پبلشرز کا گروپ تھا جنہیں آزمائشی طور پر اس انٹرفیس کی پیش کش کی گئی تھی۔
لیکن اب یہ ورژن تمام صارفین کی پہنچ میں جا چکا ہے اور اب اس میں موجود کسی بھی قسم کے ابہام یا غلطی یا کسی نئے آئیڈیا پر کام کرنے کےلئے گوگل آپ تمام لوگوں کی آراء کا منتظر ہے۔
گوگل Adsense کا یہ نیا ورژن فیڈ برنر کے نئے ورژن سے کافی حد تک مماثلت رکھتا ہے، جو کہ پچھلے ماہ ہی لانچ کیا گیا ہے۔
نیا انٹرفیس اپنے ٹاسکس کو نئے اور بہتر ڈھنگ سے ترتیب دینے کے لئے بنا ہے جس کی مدد سے نا صرف اپنے ایڈسنس اکاونٹ کو کنٹرول کرنا بہت آسان ہو گیا ہے،
بلکہ صارف بہت آسان گراف کی مدد سے اپنے ایڈسنس چینلز ، سائیٹس، آمدن وغیرہ کو دیکھ اور سمجھ سکتا ہے۔
اس سے گوگل نے وہ سب کچھ جو پرانے انٹرفیس پر مختلف لنکس میں معلومات دے رکھیں تھیں انہیں ایک ہی صفحہ پر یکجا کر دیا ہے۔
گوگل کا نیا انٹرفیس حاصل کرنے کےلئے آپ اس لنک پر کلک کر کے پہنچ سکتے ہیں، بصورتِ دیگر اپنے ایڈ سنس اکاونٹ میں لاگ ان کیجئے اور گوگل خود آپ کو یہ انٹرفیس اپنانے کے لئے پوچھے گا۔
دیکھئے نیچے موجود گوگل ایڈ سنس کے دونوں ورژن
اوپر گوگل ایڈسنس کا نیا اور نیچے اس کا پرانا ورژن تصویری عکس کی صورت میں موجود ہے۔
[center]نیا ورژن
پرانا ورژن
[/center]آپ دیکھ سکتے ہیں کہ نئے ورژن میں تمام موڈیولز کا حصول اور اپنے بنیادی ڈیٹا کا دیکھا جانا پہلے ورژن کی نسبت بہت آسان ہے۔
