اردونامہ فورم

پاکستان کے قبائلی علاقے شمالی وزیرستان میں جمعرات کی صبح ایک مبینہ امریکی ڈرون حملے میں 7 افرادشھیدہوگئے ہیں۔
پچھلے چوبیس گھنٹوں کے دوران یہ تیسرا ڈرون حملہ ہے جس میں مجموعی طور پر بارہ افراد شھید ہو گئے ہیں۔مقامی انتظامیہ کے مطابق شمالی وزیرستان کے صدر مقام میران شاہ سے تقریباً تیس کلومیٹر فاصلے پر تحصیل دتہ خیل کے علاقے اسماعیل خیل میں جمعرات کی صبح بغیر پائلٹ کے اڑنے والے امریکی جاسوس طیارے نے ایک مکان کو نشانہ بنایا جس کے نتیجے میں سات افراد شھید ہوگئے ہیں۔
حکام کے مطابق ڈرون طیارے سے دو میزائل داغے گئے جس کے نتیجے میں مکان بھی مکمل طور پر تباہ ہوگیا۔اطلاعات ہیں کہ شھید والوں میں تین غیرملکی جنگجو بھی شامل ہیں لیکن ابھی ان کی شہریت کی تصدیق نہیں ہوسکی ہے۔
بی بی سی کے نامہ نگار دلاور خان وزیر کے مطابق شمالی وزیرستان میں پچھلے چوبیس گھنٹوں کے دوران یہ تیسرا ڈرون حملہ ہے جس میں مجموعی طور پر بارہ افراد شھید ہو گئے ہیں۔

بی بی سی

کمال ہے اس موضوع پر کسی نے بولنے کی تکلیف تک نہیں کی ہے۔
مسئلہ این آر او کا ہو یا سپریم کورٹ بارکے الیکشن کا ہر سیاست دان گھنٹوں بلا تھکان بولے گا لیکن یہاں سب کی زبانیں کنگ ہو جاتی ہیں۔

الله يرحم شهداء !!!!!!!