کس کا جمال ناز ہے جلوہ نما یہ سو بسو

[محمد شعیب]

کس کا جمال ناز ہے جلوہ نما یہ سو بسو
گوشہ بگوشہ دربدر قریہ بہ قریہ کو بہ کو
اشک فشاں ہے کس لئے دیدہ منتظر میرا
دجلہ بہ دجلہ یم بہ یم چشمہ بہ چشمہ جو بجو
میری نگاہ شوق میں حسن ازل ہے بے حجاب
غنچہ بہ غنچہ گل بہ گل لالہ بہ لالہ بو بہ بو
جلوہ عارض نبی رشک جمال یوسفی
سینہ بہ سینہ سر بہ سر چہرہ بہ چہرہ ہو بہ ہو
زلف دراز مصطفی گیسوئے لیل حق نما
طرہ بہ طرہ خم بہ خم حلقہ بہ حلقہ مو بہ مو
یہ میرا اضطراب شوق رشک جنون قیس ہے
جذبہ بہ جذبہ دل بہ دل شیوہ بہ شیوہ خو بہ خو
تیرا تصور جمال میرا شریک حال ہے
نالہ بہ نالہ غم بہ غم نعرہ بہ نعرہ ہو بہ ہو
بزم جہاں میں یاد ہے آج بھی ہر طرف تیری
قصہ بہ قصہ لب بہ لب خطبہ بہ خطبہ رو بہ رو
کاش ہو ان کا سامنا عین حریم ناز میں
چہرہ بہ چہرہ رخ بہ رخ دیدہ بہ دیدہ دو بہ دو
عالم شوق میں رئیس کس کی مجھے تلاش ہے
خطہ بہ خطہ راہ بہ راہ جادہ بہ جادہ سو بہ سو

رئیس امروہی

[مدرس]

واہ شعیب بھائی اس کو کہتے ہیں ذوق

[محمد شعیب]

واہ شعیب بھائی اس کو کہتے ہیں ذوق

نہیں مدرس بھائی.انہیں ذوق نہیں رئیس امروہی کہتے ہیں.

[علی عامر]

آپ کے اعلی حسن ذوق انتخاب پر ممنون ہوں۔

[محمد شعیب]

آپ کے اعلی حسن ذوق انتخاب پر ممنون ہوں۔

شکریہ حضور

[محمد شعیب]

یہ میری سب سے پسندیدہ حمد ہے

[چاند بابو]

بہت خوب بہت بڑھیا کلام ہے۔

[اضواء]

بہت بہترین ہے شکریہ

[محمد شعیب]

آپ سب کا بھی شکریہ