دنیا میں بھوک کے خاتمے میں‌مدد دیجئے آن لائن گیم کھیل کر

[چاند بابو]

[center]دنیا میں بھوک کے خاتمے میں‌مدد دیجئے صرف ایک آن لائن گیم کھیل کر[/center]

ذرا سو چئے، آپ اپنے کمپیوٹر پر ایک آن لائن گیم کھیل رہےہیں اور آپ کی اس گیم میں حاصل شدہ کامیابی بھوکے لوگوں کی بھوک مٹانے کے لئے ایک امداد کی شکل اختیار کر رہی ہے جو دنیا کے چند ایک غریب ترین ممالک میں بھوک مٹانے کی کاوشوں کے لئے خرچ کی جائے گی۔ یعنی جتنا وقت آپ کھیل میں گزاریں گے اتنا ہی زیادہ کھانا غریب افراد میں تقسیم کیا جائے گا۔

یہ ایک آن لائن مزاق جیسا لگتا ہے لیکن ایسا ہے نہیں۔

مفت چاول (Free Rice) ایک دلچسپ آن لائن گیم ہے جو کہ نہ صرف آپ کو اپنی Vocabulary یعنی انگریزی لغت کے ذخیرہ الفاظ کو بڑھانے میں معاون ثابت ہوتی ہے بلکہ آپ کو یہ موقع فراہم کرتی ہے کہ آپ کسی بھوکے کو ایک پلیٹ چاول کا عطیہ دے سکیں۔

مگر کیسے؟
بطور ایک کھلاڑی آپ کو ایک لفظ دیا جائے گا اور آپ نے اس لفظ سے ملتا جلتا یعنی ہم معنی لفظ اسی سائیٹ پر دیئے گئے الفاظ میں تلاش کرنا ہوگا، ہر درست جواب جس کا انتخاب آپ کریں گے اس کے بدلے میں سائیٹ پر اشتہارات دینے والے دس دانے چاول اقوامِ متحدہ کے ورلڈ فوڈ پروگرام میں جمع کروا دیں گے، یعنی جتنا زیادہ آپ جیتیں گے اتنی ہی زیادہ امداد چاولوں کی صورت میں آپ بھیجیں گے۔

مفت چاول پروگرام پچھلے تین سال سے جاری ہے اور اس بار انہوں نے چاولوں کی مقدار بڑھا کر چار ملین افراد کے لئے کر دی ہے۔ سائیٹ ہر روز چالیس ہزار افراد کو اپنی طرف راغب کرنے میں مقبولیت رکھتی ہے۔

یہ آپ کے لئے ایک موقع ہے جس کے تحت آپ پاکستان کے سیلاب سے متاثرہ افراد کی مدد کر سکتے ہیں، الجزیرہ ٹی وی کی نیوز ویب کے مطابق 07 ستمبر تک اکٹھی ہونے والے تمام چاول بطور امداد پاکستان کے سیلاب سے متاثرہ افراد میں تقسیم کئے جائیں گے۔

[شازل]

یہ تو کافی مدد گار گیم ہے
میں ٹرائی کرتاہوں
گوگل ٹرنسلیٹ سے کافی مدد ملتی ہے

[رضی الدین قاضی]

یہ بہت ہی اچھی بات ہے کہ ہم کمپیوٹر پر گیم کھیل کر بھوکے لوگوں کا پیٹ بھر سکتے ہیں۔

شیئرنگ کے لیئے شکریہ چاند بھائی۔

[بلال احمد]

شیئرنگ کے لیے شکریہ بھائی جان

[نورمحمد]

لیکن بھائی کیا حقیقت میں ایسا ہے ؟؟