اردونامہ فورم

غزل

میں ہُوں ذرّہ تُو اگر آفتاب اپنے لیئے
تیرے سپنے ہیں، مِرے ٹُوٹے سے خواب اپنے لیئے

میں نے سوچا ہے کِسی روز چمن کو جا کر
چُن کے لاؤں گا کوئی تازہ گُلاب اپنے لیئے

جِن کی تعبِیر نہِیں خواب وہ دیکھے میں نے
شب گُزشتہ ہی تو سُلگائے وہ خواب اپنے لیئے

تِیس پاروں کے تقدُّس کی قسم کھاتا ہوں
نُور کا دھارا ہے یہ پاکِیزہ کتاب اپنے لیئے

وقت کی دُھوپ کو چھاؤں میں بدل لیتے ہیں
میں ہوں خیمہ تو مِرے دوست تناب اپنے لیئے

میں نے پُوچھا تو فقط اُس نے خموشی اوڑھی
تو یہ مثبت ہے کہ ہے منفی جواب اپنے لیئے؟

کیوں بھلا کچّے گھڑوں پہ بھی بھروسہ رکھیں
چھوڑ دے راستہ، دریائے چنابؔ! اپنے لیئے

بہتے دریاؔ پہ روانی ہے، ابھی زندہ ہیں
لے ہی لیجے گا کوئی توشہ جناب اپنے لیئے

لوگ، لوگوں کا لہو پِیتے ہیں تو کُچھ بھی نہِیں
اور ہوتی ہے حرام صِرف شراب اپنے لیئے

میں اُٹھاتا ہوں ابھی اپنے گُناہوں کا بوجھ
تُو نے تو چُن کے کتابوں سے ثواب اپنے لِیئے

مُجھ کو تسلیم حویلی ہے تِرے پاس بھلے ہو گی جناب
ماورا محل سے ہے جھونپڑا، صاب اپنے لیئے

ہم بھی اک روز ترقّی کی ڈگر پر ہوں گے
بات یہ گویا ہے صحرا کا سراب اپنے لیئے

کوئی جانے سے کِسی کے نہِیں مرتا حسرتؔ
صِرف یادیں ہی تو ہوتی ہیں عذاب اپنے لیئے

رشید حسرتؔ

غزل شئیر کرنے کا بہت بہت شکریہ محترم۔

کیا ہم اپنی تصویر شئر کر سکتے ہیں اور کیا اسے نمایاں کیا جائے گا؟

AbdulRasheed1 wrote:کیا ہم اپنی تصویر شئر کر سکتے ہیں اور کیا اسے نمایاں کیا جائے گا؟

السلام علیکم

محترم عبدالرشید صاحب آپ اپنی تصویر اپنے اوتار یعنی ڈی پی پر لگا سکتے ہیں۔ البتہ اگر آپ کا تعارف ایسا ہے جسے آپ سمجھتے ہیں کہ اردونامہ کے قارئین کے سامنے پیش کیا جا سکتا ہے تو پھر آپ اپنی نمایاں تصویر کے ساتھ اپنا تعارف نامہ پیش کر سکتے ہیں۔