کچھ تو کرو کہ زندگی کا سلسلہ چلے ..... قمر ساجد

[چاند بابو]

جنوبی پنجاب سے تعلق رکھنے والے معروف اردو شاعر جناب قمر ساجد صاحب کا فیس بک پیج چیک کر رہا تھا جس پر ان کی طرف سے اپنے بیٹے کے نام منسوب ایک ہائیکو غزل پر نظر پڑی.
بلا شبہ اس طرز تخاطب اور نفسِ مضمون میں ایسی بات تھی کہ میں اسے اردونامہ کی زینت بنانے میں حق بجانب ہوں یہ ایک باپ کی طرف سے اپنے بیٹے کے نام نا صرف ایک بہترین نصحیت ہے بلکہ ایک باپ کے دل میں اپنے بیٹے سے منسلک ان تمام خواہشات کا عکس ہے جس کی وہ اپنی اولاد سے توقع کرتا ہے.
کوشش کروں گا کہ جلد ہی قمر ساجد صاحب کی کتاب بھی آپ احباب کے ساتھ شئیر کر سکوں البتہ ابھی صرف انہی چند اشعار پر اکتفا کروں گا.

[align=center]کچھ تو کرو کہ زندگی کا سلسلہ چلے
زندوں میں تم شمار ہو یہ حوصلہ ملے
تم سے تمہارے ہونے کا سب کو پتہ چلے

مٹھی بھرو جو ریت کی ذرات کو تکو
ذرات ہیں کہ نور ہے یہ کا ئنات کا
گر رنگ ہیں یہ نور کے تو آنکھ میں بھرو

کچھ روزباغبان کی صحبت میں تم رہو
خو شبو سے ِگل سے تتلیوں سے دوستی کرو
تاکہ جمال وحسن کی توقیر کرسکو

یہ بھی کہا تھا طا ئروں سے گفتگو کرو
آہنگ ہے بیان میں اور صوت میں سرور
ان کی زبان سیکھ کے تم بات کرسکو

پیڑوں کی سرسراہٹوں کو غور سے سنو
نغمےِ دھنیں الاپ ہیں اور ساز ہیں کئ
ان کو سنو کہ زندگی میں رقص کرسکو

پر آگئے تو خواہش پروازبھی کرو
یعنی ہوا سے جنگ کا آغاز بھی کرو
اتنا اڑو کہ بادلوں پہ تم بھی چل سکو

کچھ تو کرو کہ گھونسلے سے جب بھی تم اڑو
سپنوں میں میری آنکھ کے تم رنگ بھر سکو[/align][/color]

[nizamuddin]

بہت عمدہ شیئرنگ ہے جناب۔۔۔۔ شکریہ

[محمد شعیب]

بہت خوب
شئرنگ کا شکریہ

[چاند بابو]

پسندیدگی پر دونوں احباب کا شکریہ.

[میاں محمد اشفاق]

بہت گہری باتیں خوبصورت لفظوں میں ڈھال دیا ہے محترم نے بہت خوب

کچھ روزباغبان کی صحبت میں تم رہو
خو شبو سے ِگل سے تتلیوں سے دوستی کرو
تاکہ جمال وحسن کی توقیر کرسکو

[چاند بابو]

پسندیدگی کا بہت شکریہ میاں صاحب.

[اضواء]

کچھ تو کرو کہ زندگی کا سلسلہ چلے
زندوں میں تم شمار ہو یہ حوصلہ ملے
تم سے تمہارے ہونے کا سب کو پتہ چلے
بہت ہی عمدہ اور گہرائی کی شاعری ہے شئیرنگ پر آپکا بیحد شکریہ