اردونامہ فورم

فورم پر کل ایک دوست نے پلگ ان یا ایکس ٹنشن کے بارے میں پوچھا تو سوچا کہ کیوں ناں اس پر ایک الگ دھاگہ بنا دیا جائے.
پلگ ان Plugin ،ایکس ٹنشن Extension، ایڈآن Addon سب تقریبا مترادف (ہم معنیٰ) الفاظ ہیں.
کمپیوٹر میں کسی خاص مقصد کے لئے کوئی سوفٹ وئر بنایا جاتا ہے. مثلا ویڈیو،آڈیو فائلز چلانے کے لئے جیٹ آڈیو، میڈیا پلئر، وی ایل سی پلئر وغیرہ بنائے گئے ہیں. تصویر پر کام کرنے کے لئے فوٹوشاپ، کورل فوٹو پینٹ وغیرہ سوفٹ بنائے گئے ہیں. اسی طرح ویب سائٹ دیکھنے کے لئے انٹرنیٹ ایکسپلورر، گوگل کروم، موزیلا فائرفاکس، سفاری وغیرہ بنائے گئے ہیں.
ہر سوفٹ وئر کو کسی مخصوص مقصد کے لئے بنایا جاتا ہے اور اس سوفٹ وئرمیں اس مقصدسے متعلق عمومی ضرورت کے تمام آپشن رکھے جاتے ہیں. لیکن ان سوفٹ وئرز کو استعمال کرنے والے بعض اوقت ان سوفٹ وئرز سے دیگرمقاصد بھی حاصل کرنا چاہتے ہیں. مثلا ویب سائٹس کھولنے کے لئے جو سوفٹ وئرز بنائے گئے ہیں انہیں براؤزر کہتے ہیں. ایک براؤزر ویب سائٹ دکھانے کی تمام ضروریات پوری کرتا ہے. لیکن کوئی شخص یہ چاہتا ہے کہ کسی ویب سائٹ پر چلنے والی آن لائن ویڈیو ڈاؤن لوڈ کرلی جائے تو اس کے لئے اسے براؤزر میں پلگ ان،ایکس ٹنشن یاایڈ آن انسٹال کرنا ہوگا.
اسی طرح ویب سائٹس پر چلنے والے اشتہارات نظر نہ آئیں تو اس کے لئے بھی اسے پلگ ان،ایکس ٹنشن یاایڈ آن انسٹال کرنا ہوگا.
الغرض سوفٹ وئر کو جس مقصد کے لئے بنایا گیا ہے، اس کے علاوہ کوئی کام اس سوفٹ وئر پر کرنا ہو تو اس کا پلگ ان،ایکس ٹنشن یا ایڈ آن انسٹال کرنا ہوگا.

گوگل کروم میں انہیں ایکس ٹنشن کہتے ہیں. فائر فاکس میں انہیں ایڈ آن کہتے ہیں. فوٹو شاپ میں انہیں پلگ ان کہا جاتا ہے.

شعیب بھائی بہت بہت مہربانی اب پورا سمجھ آگیا۔ لیکن سمجھ یہ نہیں آیا کہ ایکسٹینشن کے اتنے فائدے ہیں تو اسے انٹیرنیٹ ایکسپلورر سے نکالنے پر لوگ خوش کیوں ?

نکالنے پر کون خوش ہے ؟

Aamirfarooq13 wrote:شعیب بھائی بہت بہت مہربانی اب پورا سمجھ آگیا۔ لیکن سمجھ یہ نہیں آیا کہ ایکسٹینشن کے اتنے فائدے ہیں تو اسے انٹیرنیٹ ایکسپلورر سے نکالنے پر لوگ خوش کیوں ?

ارے بھیا وہاں نکالنے کی بات پر خوشی اس لئے ظاہر کی گئی تھی کہ ہو سکتا ہےمائیکروسافٹ کا نیا براوزر اپنے اندر یہ تمام خصوصیات پہلے سے لئے ہو اور ہمیں الگ سے ایکسٹنشنز کی ضرورت محسوس نہ ہو.
یعنی اگر ہم ویڈیو پلے کرنا چاہیں تو اس کےلئے ہمیں کوئی ایکسٹنشن درکار نہ ہو اور اگر ہم فلیش مووی دیکھنا چاہیں تو وہ بھی اسی طرح بغیر کسی تردد کے پلے ہو جائے.
اس بات پر کہا جا رہا تھا کہ شاید نئے براوزر میں ایکسٹنشنز خود سے انسٹال کرنے سے جان چھوٹ جائے اس بات پر نہیں کہ ایکسٹنشنز ہوں گی نہیں.

جی جی سہی کہا چاند بھائی آپ نے!
معلومات شئیر کرنے کا شکریہ

بہترین معلومات کی فراہمی پر آپ کا بیحد شکریہ

شکریہ مفید معلومات فراہم کرنے کا

پسند کرنے کا شکریہ
میں چاہتا ہوں کہ گوگل کروم اور موزیلا فائر فاکس پر ایکس ٹنشن انسٹال کرنے کا طریقہ شئر کروں. کیا اس دھاگے میں شئر کروں یا نیا دھاگہ بناؤں ؟
اور کیا یہ طریقہ پہلے شئر تو نہیں ہوا ؟

شعیب بھیا آئیڈیا اچھا ہے.
اردونامہ پر یہ طریقہ پہلے شئیر نہیں ہوا ہے.
اس لئے اس کام کےلئے ایک الگ دھاگہ کھولیں تو بہتر رہے گا.
اور ٹوٹیوریل کے ساتھ تصاویر بھی ہوں تو کیا ہی بہتر ہو گا.

آج اچانک اس پوسٹ پر نظر پڑی تو یاد آیا کہ ٹیوٹوریل بنانے کا کام تو میں بھول ہی گیا تھا۔ چلو ان شاءاللہ جلد کرونگا۔
ویسے اگر کوئی اور شئر کردے بھی تو گناہ نہیں ہوگا

ہاہاہاہا
چلئے ہمیں انتظار رہے گا۔