فٹبال ورلڈ کپ میں 32 فٹ بال ٹیموں کے درمیان جنگ ساؤ پولو میں میزبان برازیل اور کروشیا کے درمیان میچ سے شروع ہوگئی ہے اور اگلے ایک ماہ تک دنیا بھر میں کروڑوں افراد اپنے ٹیلی ویژن اسکرینوں پر اس سے لطف اندوز ہوں گے، مگر یہ ایونٹ ٹیکنالوجی کے استعمال کے لحاظ سے بھی ماضی کے مقابلے میں سب سے منفرد ثابت ہونے والا ہے، جس کی چند جھلکیاں یقیناً آپ کیلئے حیران کن ثابت ہوں گی۔
چھ پینلز کی فٹبال
فٹبال میں گیند کی اہمیت سے انکار ممکن نہیں اور اس دفعہ پہلی بار ایسی گیند استعمال ہورہی ہے جس میں صرف چھ پینلز استعمال کئے گئے ہیں جبکہ ماضی میں عام طور پر، ایک گیند 12، 16 یا کبھی کبھی 32 پینل سے بھی بنی ہے۔
یعنی یہ گیند پانی کی زیادہ مقدار جذب کرسکتی ہے، جبکہ اسے ضرب لگائی جائے تو یہ کم مستحکم اور غیرمستقل مزاجی کا مظاہرہ کرتی ہے جو اسے زیادہ بہتر بنادیتی ہے۔
ایڈی ڈاس کے مطابق اس میں پینلز کا استعمال ریاضیاتی جادو جیسا ہے اور یہی وجہ ہے کہ اس سے پاسز اور شاٹس بالکل درست لگائے جاسکتے ہیں اور اس حوالے سے ہماری کوششیں کامیاب ثابت ہوئی ہیں۔
ایک ماہر کا تو کہنا ہے کہ اس پر اسٹرائک بہت زبردست لگتی ہے اور محسوس ہوتا ہے کہ جہاں ہم چاہیں اسے پھینک سکتے ہیں۔
گول لائن ٹیکنالوجی
برازیل ورلڈ کپ میں پہلی بار درست ترین گولز کے تعین کیلئے جدید ترین ٹیکنالوجی کا استعمال کیا جائے گا۔ گول کنٹرول فورڈی نامی گول لائن ٹیکنالوجی میں چودہ ہائی اسپیڈ کیمرے اسٹیڈیم کی چھت اور دیگر جگہوں جبکہ سات کیمرے دونوں گول پوسٹس کی مانیٹرنگ کا کام کریں گے، جو تصاویر کا تجزیہ کرنے والے ایک کمپیوٹر نظام سے منسلک ہوں گے جو گیند کے علاوہ پچ پر ہر چیز کو فلٹر کریں گے، جبکہ سنسرز کے ذریعے گیند کی ایک انچ کے دسویں حصے کی حرکت تک کو ٹریک کیا جائے گا، اور جیسے ہی گیند گول لائن عبور کرے گی میچ آفیشلز کی گھڑیوں پر وائبریشن اور گول کا پیغام ڈسپلے ہونا شروع ہوجائے گا، اسی طرح ری پلائی کی سہولت بھی دستیاب ہوگی۔ گول لائن ٹیکنالوجی کا اطلاق گزشتہ ایونٹ میں ایک ریفری کی جانب سے گول نہ دیئے جانے پر ہوا ہے جس کے بعد فیفا پر کھیل میں جدید ٹیکنالوجی کے استعمال کیلئے دباﺅ بڑھ گیا تھا۔
فور کے ٹیکنالوجی سے ریکارڈنگ
2014 ورلڈکپ میں کچھ میچز 4k ٹیکنالوجی میں ریکارڈ کئے جائیں گے یہ الٹرا ہائی ڈیفینیشن فارمیٹ عام ٹی وی سیٹ پر مناظر کی تصاویر کو چار گنا زیادہ بہتر بنادے گا۔
تاہم تیرہ جولائی کا فائنل اور دیگر دو میچز کیلئے ہی سونی کی اس ایچ ڈی ٹیکنالوجی کو استعمال کیا جائے گا مگر انہیں براہ راست نشر کرنے کی بجائے ایک پرومو فلم بنائی جائے گی۔
الیکٹرانکس مینوفیکچررز کو توقع ہے کہ صارفین انتہائی شفاف تصاویر یا ایچ ڈی فارمیٹ کیلئے اپنے ٹی وی سٹیس بہتر ٹیکنالوجی والوں سے تبدیل کرلیں گے۔
منفرد اسپرے
ایک بالکل منفرد چیز جو نظر آئے گی وہ شیونگ کریم سے ملتی جلتی لیکن خودبخود غائب ہوجانے والا اسپرے ہوگا، جسے پہلی بار ورلڈکپ میں استعمال کیا جارہا ہے۔
ریفریز ان اسپرے کینز کا استعمال اس جگہ کی نشاندہی کیلئے کریں گے جہاں سے کھلاڑی فری کک وغیرہ لیں گے۔
ریفری کی کھینچی گئی سفید لائن ایک منٹ کے اندر غائب ہوجائے گی۔
معذور شخص کی پہلی کک
ورلڈکپ کی افتتاحی تقریب میں گیند کو پہلی کک ایک معذور نوجوان نے لگائی، جس نے دماغ کی قوت سے چلنے والا لباس زیب تن کر رکھا تھا۔
اسے تیار کرنے والے موجد میگوئل نکولس کے مطابق یہ پہلی بار ہے کہ کوئی ایسا لباس تیار کیا گیا ہے جو دماغی لہروں سے کنٹرول کیا جاسکتا ہے اور ہمیں اس سے مریضوں کی حالت کے بارے میں علم ہوسکتا ہے۔
یہ کک پچیس منٹ کی افتتاحی تقریب کا حصہ تھی، جو برازیل اور کروشیا کے میچ سے پہلے منعقد ہوئی۔
لاکھوں افراد نے اس لباس کو پہنے معذور شخص کو اپنی دماغی قوت سے کک لگاتے دیکھا جو مختلف سائنسی ماہرین کی برسوں کی محنت کا ثمر تھا۔
منفرد بھونپو
جنوبی افریقہ میں ہونے والے2010ءکے ورلڈکپ کے گانے کو بھولنا بہت مشکل ہے، تو اس میں استعمال ہونے والے بھونپو نے تو سب کے کانوں کو ہلا کر رکھا دیا تھا۔
برازیل ورلڈکپ کیلئے آفیشل بھونپو یا شور مچانے والا آلہ کیسرولا ہے جو پلاسٹک کا ہارن کی شکل کا ساز ہے، جسے برازیلین موسیقار کارلینوس براﺅن نے تیار کیا ہے جس میں چھوٹے مگر مصنوعی موتی استعمال کئے گئے ہیں جو آواز کو کمزور یا ہیجان پھیلانے کے مقابلے میں زیادہ بہتر بناتے ہیں۔
تاہم دلچسپ بات یہ ہے کہ اس کا استعمال اسٹیڈیمز میں نہیں کیا جاسکتا، کیونکہ برازیلین وزارت کھیل نے اسٹیڈیمز کی پچز میں پھینکے جانے کے خدشے کے پیش نظر اس کے استعمال پر پابندی کردی تھی۔
فٹبال ورلڈکپ 2014 کی چھ منفرد ٹیکنالوجیز
-
- ٹیم ممبر
- Posts: 40424
- Joined: Sun Aug 15, 2010 4:26 am
- جنس:: عورت
- Location: {الدمام}المملكةالعربيةالسعوديه
Re: فٹبال ورلڈکپ 2014 کی چھ منفرد ٹیکنالوجیز
بہترین ہے
[center]یہ بھی انداز ہمارے ہے تمہیں کیا معلوم
ہم تمہیں جیت کے ہارے ہے تمہیں کیا معلوم[/center]
ہم تمہیں جیت کے ہارے ہے تمہیں کیا معلوم[/center]
- چاند بابو
- منتظم اعلٰی
- Posts: 22224
- Joined: Mon Feb 25, 2008 3:46 pm
- جنس:: مرد
- Location: بوریوالا
- Contact:
Re: فٹبال ورلڈکپ 2014 کی چھ منفرد ٹیکنالوجیز
معلومات کی فراہمی پر مشکور ہیں.
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو