اردونامہ فورم

شنگھائی کا الٹا گھر، فن تعمیرات کا انوکھاشاہکار!

شنگھائی…این جی ٹی …چین کے شہر شنگھائی کے قصبے میں اپنی نوعیت کا ایک ایسا منفرد گھر تعمیر کرکیا گیا ہے جسے دیکھتے ہی آپ الجھن کا شکار ہو جائیں گے کیونکہ اس مکان کی چھت پیروں کے نیچے اور فرش سر کے اوپر ہے۔ اوپر سے نیچے کی جانب تیار کردہ اس انوکھے گھر میں کچن سے لے کرٹوائلٹ تک ہر چیز چھت سے لٹکی ہو ئی ہے۔ پولش کمپنی کے ڈیزائنر کے تیار کردہ کئی فٹ اونچے اس ڈبل اسٹوری گھر کے ڈیزائن اور آرائش میں اس بات کا خاص خیال رکھا گیا ہے کہ اس میں ایک عام گھر کی طرح تمام خصوصیات موجود ہوں ۔تین کمروں پر مشتمل چین میں اپنی نوعیت کے پہلے اُلٹے گھر میں بستر، سنگھار میز،ٹیلیویژن،مائیکرو ویو اوون اور کھانے کی ٹیبل سمیت تمام تر اشیا بہترین انداز میں گھر کی چھت سے لٹکی ہوئی ہیں ۔5ماہ کی کڑی محنت اور دماغ کے استعمال سے تعمیر کیے گئے اس گھر کو عام عوام کیلئے کھول دیا گیاہے جس کی داخلہ فیس30یوئن(5ڈالر)مقرر کی گئی ہے۔

تائیوان میں سب سے اونچی عمارت کی سیڑھیاں چڑھنے کا مقابلہ

تائے پے …تائیوان میں سب سے اونچی عمارت پر چڑھنے کا منفرد مقابلہ آسٹریلیا کے شہری نے جیت لیا۔تائیوان کا تائے پے 101 ٹاور ایک ہزار 280 فٹ بلند ہے۔ اس کی 91 منزلیں اور 2046 سیڑھیاں ہیں جنہیں چڑھ کر عمارت کے ٹاپ فلور تک پہنچنا تھا۔ مقابلے میں پانچ ہزار افراد نے حصہ لیا۔ مردوں میں آسٹریلیا کے مارک بورن اور خواتین میں اٹلی کی ویلنٹینا بیلوٹی نے کامیابی حاصل کی ، ویلنٹینا پہاڑوں پر ریس کی عالمی چمپئن بھی ہیں۔

چین میں انوکھا فیسٹیول ،ایک ہزار سے زائد جڑواں افراد کی شرکت

بیجنگ …این جی ٹی …چین میں منعقد ہ انوکھے فیسٹیول میں ایک ہزار سے زائدجڑواں افراد نے شرکت کر کے رونقیں بڑھا دیں۔یوننان صوبے میں ہونے والے اس دسویں فیسٹیول میں جڑواں افراد نے ایک جیسا لباس زیب تن کر کے حاضرین کو حیرت میں ڈال دیا۔بچے کیا اور بڑے کیا اس فیسٹیول میں ہر عمر کے جڑواں اور تڑواں دکھائی دیئے۔واضح رہے کہ چین میں ہر سال منعقد کیا جانے والا یہ فیسٹیول جڑواں افرادکو نظر بد سے محفوظ رکھنے کیلئے منعقد کیا جاتا ہے جس میں عقیدے کے مطابق چہرے پر سیاہی ملی جاتی ہے۔

اب تو مچھلیاں بھی سیر کریں گی،ماہرین نے اسمارٹ فش ٹینک تیار کر لیا

ایمسٹرڈیم… این جی ٹی…رنگ برنگی مچھلیوں کو تو آپ نے تیرتے ہوئے دیکھا ہی ہوگا لیکن اب مچھلیوں کو ڈرائیونگ کرتے ہوئے بھی دیکھیں۔ جی ہاں نیدر لینڈ کے ماہرین نے تیار کیا ہے ننھا منا ٹرک جو مچھلیوں کو ان کی مرضی کی جگہ پر سیر کروانے لے جائیگا۔مچھلیاں جس طرف اپنا رخ کریں گی ٹینک میں لگے ٹائر بھی اس ہی رخ پر ہوکر چلنا شروع ہوجائینگے۔ا گر آپ نے بھی اپنے گھر پر مچھلیاں پال رکھی ہیں تو لے آئیے اسمارٹ ٹینک اور دیجئے اپنی مچھلیوں کو ڈرائیونگ کا مزہ۔

بہت خوب

پسند کرنے کا شکریہ

بہت خوب بہت ہی دلچسپ خبریں ہیں.
شئیر کرنے کا شکریہ شعیب بھیا.

پسند کرنے کا شکریہ

میکسیکو میں گدھوں کی خدمات کے اعتراف میں سالانہ ڈونکی ڈے

میکسیکو سٹی…میکسیکو میں گدھوں کی محنت مشقت کوسراہنے کیلیے سالانہ ڈونکی ڈے کا انعقاد کیا گیا۔مس ڈونکی کے انتخاب کیلیے مقابلہ حْسن کابھی اہتمام کیاگیا۔میکسیکو میں گدھوں کی سخت محنت مشقت کے پیش نظر16 ویں صدی سے ڈونکی ڈے منایاجارہاہے۔اوٹمبا میں منعقدہ گدھوں کیسالانہ میلے میں لوگوں کی بڑی تعداد نے شرکت کی۔ اس موقع پرگدھوں کو خوبصورت انداز میں سجا کر پیش کیا گیا۔مس ڈونکی کے انتخاب کیلیے مقابلہ حْسن بھی ہوا۔میلے میں لوگوں نے گدھوں پر بیٹھ کر تصاویر کھنچوائیں اور پولو میچ کھیلا۔

تھری ڈی فن پارے بنا نے والا دنیا کامختصر ترین پر نٹنگ پین

لندن …این جی ٹی …آج کل فلموں کو تھری ڈی ٹیکنالوجی کی سہولت سے آراستہ کر کے نا ظرین کیلئے مزید پر کشش بنایا جارہا ہے لیکن ایک بر طانوی کمپنی نے ایسا پین متعارف کر وادیا ہے جو دنیا کا مختصر ترین پر نٹنگ پین ہو نے کے ساتھ ساتھ تھری ڈی پینٹنگ اور فن پارے بھی بنانے کی صلاحیت رکھتا ہے۔ ایک عام بال پوائنٹ پین کے سائز اور وزن کا حامل یہ دنیا کا واحد پین ہے جس کی مدد سے کسی بھی سطح اور حیرت انگیز طور پر ہوا میں بھی آرٹ کے فن پارے بنائے جا سکتے ہیں ۔اس تھری ڈی پین کو استعما ل کر نے کیلئے اسے کمپیوٹر کے ساتھ منسلک کرکے پلاسٹک کو اس پین میں ڈالا جاتا ہے جس کا الیکڑک ہیٹر اس پلاسٹک کو پگھلاتا اور منٹوں میں تھری ڈی اشکال تیار کی جاتی ہے۔

اکیلا پن دور کرنے کیلئے جاپان کا انوکھاکیفے!!

ٹوکیو…این جی ٹی …بہت سے لوگوں کو اکیلے کھانا پسند نہیں ہوتالیکن اب جاپان میں لوگوں کی اس پریشانی کا بھی مداواکر دیا گیا ہے۔جاپانی دارالحکومت ٹوکیو میں ایسا کیفے قائم کیا گیا ہے جہاں تنہا آنے والے لوگوں کا اکیلا پن دور کرنے کے لئے ان کی ٹیبل پرانوکھے ساتھی بٹھائے جائیں گے۔جی ہاں مومن (Moomin) نامی کیفے میں کھانے کے ساتھ ساتھ کارٹون نما کھلونے بھی فراہم کئے جائیں گے جو لوگوں کے ساتھ کرسی پر براجمان ہوکر ان کا اکیلا پن دور کریں گے۔کیفے انتظامیہ کا کہنا ہے کہ بے شک یہ کارٹون آپ سے بات نہیں کر سکتے لیکن یہ احساس ضرور پیدا کر سکتے ہیں کہ آپ اتنے بھی اکیلے نہیں۔

بہت خوب

ریاض: سعودی عرب میں ایک شخص نے اپنی بیوی کو یونیورسٹی کی تعلیم مکمل ہوجانے پر ایک انوکھا تحفہ دینے کا فیصلہ کیا ۔ پھول ، کتابیں یا کوئی مہنگا لباس دینے کی بجائے اپنی تازہ تازہ پاس ہونے والی بیوی کی خاطر اس سعودی منچلے نے سعودی کمیشن آف الیکٹری سٹی کی ویب سائٹ ہیک کرکے وہاں اپنا محبت بھرا پیغام چھوڑ دیا ۔ اس نے لکھا ’’میں آپ کی ویب سائٹ ہیک کرنے کیلئے معذرت خواہ ہوں لیکن میں اپنی بیوی کو پاس ہونے کی مبارک باد دینا چاہتا تھا اور میں اسے یہ پیغام آپ کی ویب سائٹ کے ذریعے دینا چاہتا تھا۔ اس نے مزید لکھا کہ وہ سب کی خوش قسمتی اور کامیابی کے لئے دعا گو ہے ۔ تاہم اس شخص نے یہ اتنا پیغام کافی نہیں سمجھا اور سعود ی عرب کے ہیکرز کے خلاف سخت قوانین پر بھی اظہار خیال کیا ۔ اس نے سعودی حکومت سے کہا کہ ہیکرز کے لئے سخت سزاؤ ں کی بجائے آپ ایسے اقدامات کریں کہ ہیکنگ ہو ہی نہ سکے ۔ ہیک ہونے والی ویب سائٹ کے منتظمین کو بھی اس شخص نے یہ پیغام دیا کہ وہ مدد کے لئے اس سے رابطہ کر سکتے ہیں ۔

ہاہاہاہا
بہت خوب
یہ ایک ذہین انسان کا ذہانت بھرا تحفہ تھا ..

سری لنکا کے ایک گاؤں میں مچھلیوں کی بارش

مغربی سری لنکا کے گاؤں Chilaw میں غیر معمولی طور پر چھوٹی مچھلیوں کی بارش ہوئی ۔ ان میں سے کچھ مچھلیوں کا سائز پانچ انچ تک تھا اور وہ زندہ تھیں ، لوگوں نے مچھلیوں کو اکٹھا کیا اور پھر انہیں پکا کر کھا گئے ، ماہرین کا خیال ہے کہ طوفانی ہواؤں نے قریبی دریا سے ان مچھلیوں کو اٹھا کر اس گاؤں پر پھینک دیا۔

سبحان ربی....
شئیرنگ پر آپ کا شکریہ