اردونامہ فورم

پاسپورٹ دکھاؤ یا بچہ چھوڑ جاؤ؛ پاکستانی خاتون کا بھارت میں بچے کو جنم دینا جرم بن گیا

نئی دلی: بھارت میں بچے کو جنم دینا پاکستانی خاتون کے لئے جرم بن گیا بھارتی حکام نے نومولود بچے کا پاسپورٹ اور ویزا نہ ہونے پر والدین کو پاکستان واپس جانے سے ہی روک دیا۔
بھارتی میڈیا رپورٹس کے مطابق گھوٹکی کی رہائشی مائی فاطمہ اپنے شوہر میر محمد مہر کے ہمراہ ڈیڑھ ماہ کے ویزے پر والد سے ملنے بھارت آئی تھی لیکن اسی دوران مائی فاطمہ کے والد کا انتقال ہوگیا جس کی وجہ سے ویزے کی مدت میں ایک ماہ کی توسیع کردی گئی۔ مائی فاطمہ جب فاطمہ بھارت آئی تو وہ 7ماہ کی حاملہ تھی، 14 اپریل کو بھارت کے ایک نجی اسپتال میں اس کے ہاں ایک بچے کی ولادت ہوئی اور مقامی میونسپل کونسل نے بچے کو سہیل خان کے نام سے پیدائش کا سرٹیفیکٹ جاری کردیا۔
فاطمہ اپنے شوہر اور نومولود سہیل کے ہمراہ 25 اپریل کو پاکستان واپس آنے کے لیے روانہ ہوئی تو بھارت کے امیگریشن حکام نے انہیں مونا باؤ پر روک لیا اور کہا کہ یا تو دونوں میاں بیوی بچے کو چھوڑ کر پاکستان چلے جائیں یا پھربچے کی دستاویزات پیش کی جائیں۔ دوسری جانب بھارت میں تعینات پاکستانی ہائی کمشنرعبد الباسط کا کہنا ہے مائی فاطمہ اور میر محمد مہر سے رابطے کی کوشش کی جا رہی ہے، با ضابطہ کارروائی کے بعد بچے کی دستاویزات مکمل کردی جائیں گی۔

یہ کوئی اتنی عجیب بات نہیں. پورے کاغذات نہ ہونے پر کوئی بھی ملک بارڈر کراس کرنے نہیں دے گا.
میڈیا والوں نے جو خبر ہائی لائٹ کرنی ہے اسے چھوڑ دیتے ہیں اور جو فضول ہوتی ہے اسے سر پر اٹھا لیتے ہیں.

تو پھر وہ لوگ بچے کی دستاویزات کیوں نہیں دیتے ہیں