اردونامہ فورم

عمدہ شاعری ارسال کی ہے سب نے

آپ کی آمد کا بھی بہت ہی شکریہ

[center]
اب بھلا چھوڑ کے گھر کیا کرتے
شام کے وقت سفر کیا کرتے

تیری مصروفیتیں جانتے ہیں
اپنے آنے کی خبر کیا کرتے

جب ستارے ہی نہیں مل پائے
لے کے ہم شمس و قمر کیا کرتے

وہ مسافر ہی کھلی دھوپ کا تھا
سائے پھیلا کے شجر کیا کرتے

خاک ہی اوّل و آخر ٹھہری
کر کے ذرّے کو گہر کیا کرتے

رائے پہلے سے بنا لی تو نے
دل میں اب ہم تیرے گھر کیا کرتے

عشق نے سارے سلیقے بخشے
حسن سے کسبِ ہنر کیا کرتے
(پروین شاکر)
[/center]

جب ستارے ہی نہیں مل پائے
لے کے ہم شمس و قمر کیا کرتے

وہ مسافر ہی کھلی دھوپ کا تھا
سائے پھیلا کے شجر کیا کرتے

رائے پہلے سے بنا لی تو نے
دل میں اب ہم تیرے گھر کیا کرتے


بہت خوب کیا بات ہے ، شکریہ

ایک دیوانہ یہ کہتے ہوئے ہنستا جاتا
کاش منزل سے بھی آگے کوئی رستا جاتا

اے میرے ابر گریزاں مری آنکھوں کی طرح
گر برسنا ہی تجھے تھا تو برستا جاتا

آج تک یاد ہے اظہار محبت کا وہ پل
کہ مری بات کی لکنت پہ وہ ہنستا جاتا

اتنے محدود کرم سے تو تغافل بہتر
گر ترسنا ہی مجھے تھا تو ترستا جاتا

میرے ہم نفس، میرے ہم نوا، مُجھے دوست بن کے دغا نہ دے
میں ہوں درد عشق سے جاں بلب، مُجھے زندگی کی دُعا نہ دے
میرے داغ دل سے ہے روشنی، اسی روشنی سے ہے زندگی
مُجھے ڈر ہے اے میرے چارہ گر، یہ چراغ تو ہی بُجھا نہ دے
مُجھے چھوڑ دے میرے حال پر، تیرا کیا بھروسہ اے چارہ گر
یہ تیری نوازش مُختصر، میرا درد اور بڑھا نہ دے
میرا عزم اتنا بُلند ہے کہ پرائے شعلوں کا ڈر نہیں
مُجھے خوف آتش گُل سے ہے، یہ کہیں چمن کو جلا نہ دے
وہ اُٹھے ہیں لے کہ قُم و سبو، ارے او شکیل کہاں ہے تو
تیرا جام لینے کو بزم میں، کوئی اور ہاتھ بڑھا نہ دے

شئیرنگ پر آپ کا بہت بہت شکریہ

بہت عمدہ، لاجواب

بہت خوبصورت شئیرنگ پر تمام احباب کا بہت بہت شکریہ.

زبردست

اپنی رسوائی، ترے نام کا چرچا دیکھوں
اِک ذرا شعر کہوں اور میں کیا کیا دیکھوں

نیند آجائے تو کیا محفلیں برپا دیکھوں
آنکھ کُھل جائے تو تنہائی کا صحرادیکھوں

ایک اِک کرکے مجھے چھوڑ گئیں سب سکھیاں
آج میں خُود کو تری یاد میں تنہا دیکھوں

کاش صندل سے مری مانگ اُجالے آکر
اتنے غیروں میں وہی ہاتھ ،جو اپنا دیکھوں

تو مرا کُچھ نہیں لگتاہے مگر جانِ حیات!
جانے کیوں تیرے لیے دل کو دھڑکتا دیکھوں!

بند کرکے مِری آنکھیں وہ شرارت سے ہنسے
بُوجھے جانے کا میںہر روز تماشہ دیکھوں

سب ضِدیں اُس کی مِیں پوری کروں ،ہر بات سُنوں
ایک بچے کی طرح سے اُسے ہنستا دیکھوں

مُجھ پہ چھا جائے وہ برسات کی خوشبو کی طرح
انگ انگ اپنا اسی رُت میں مہکتا دیکھوں

پُھول کی طرح مرے جسم کا ہر لب کِھل جائے
پنکھڑی پنکھڑی اُن ہونٹوں کا سایا دیکھوں

میں نے جس لمحے کو پُوجا ہے،اُسے بس اِک بار
اب بن کر تری آنکھوں میں اُترتا دیکھوں

ٹُوٹ جائیں کہ پگھل جائیں مرے کچے گھڑے
تجھ کو میں دیکھوں کہ یہ آگ کا دریا دیکھوں

بہترین ہے شئیرنگ پر آپ کا شکریہ