کوئٹہ دھماکہ:دوہلاک، بارہ افراد زحمی

[اعجازالحسینی]

پاکستان کے صوبہ بلوچستان کے دارالحکومت کوئٹہ میں سریاب روڑ پر پولیس موبائل کے قریب بم دھماکے میں ایک پولیس اہلکار ہلاک سمیت دو افراد ہلاک ہو گئے ہیں۔بدھ کو ہونے والے اس بم دھماکے کے نتیجے میں پانچ اہلکاروں سمیت بارہ افراد زخمی ہوئے ہیں۔
بم دھماکے کا نشانہ بننے والی پولیس کی موبائل وین میں سوار اے ایس آئی غلام مرتضیٰ نے بی بی سی کو بتایا کہ سریاب روڑ پر شفیق آباد کے سامنے ایک جیسے ہی موبائل وین رکی تو قریب میں کھڑی ایک ریڑھی میں دھماکہ ہو گیا۔انھوں نے بتایا کہ دھماکے کے نتیجے میں موبائل وین کا ڈرائیور صداقت حسین ہلاک ہو گیا ہے جس کی لاش سول ہسپتال منتقل کر دی گئی ہے۔دھماکے میں قریب سے گزرنے والے ایک نامعلوم راہ گیر بھی ہلاک ہوئے ہیں۔اس واقعے میں پانچ پولیس اہلکاروں سمیت بارہ افراد زخمی ہوئے ہیں۔
غلام مرتضیٰ نے سول ہسپتال میں بی بی سی کے نامہ نگار ایوب ترین کو بتایا کہ بظاہر بم دھماکے کا ٹارگٹ پولیس موبائل تھی اور یہ ایک ریموٹ کنڑول بم دھماکہ تھا۔
تین پولیس اہلکاروں سمیت سات افراد کو سول ہسپتال منتقل کیا گیا ہے جب کہ دو زخمی اہلکاروں سمیت پانچ افراد کو بولان میڈیکل کمپلیکس منتقل کیا گیا ہے۔دھماکے کے فوری بعد پولیس اور ایف سی کے اہلکار جائے حادثہ پر پہنچ گئے اور علاقے کو گھیرے میں لے لیا ہے۔

بی بی سی

[چاند بابو]

خبر شئیر کرنے کا بہت بہت شکریہ۔

[اضواء]

شکریہ!!!!!

[اعجازالحسینی]

آپ لوگوں کا بھی شکریہ