حمدِ باری تعالیٰ............(کلام: سیدحماد رضا بخاری)

[سید حماد رضا بخاری]

حمدباری تعالیٰ
جب ترے کرم کو بیکراں دیکھ لوں
اپنی آنکھوں میں اشکِ رواں دیکھ لوں
غم کی دوپہر میں جب بھی چلتا ہوں میں
اپنے سر پے ترا سائباں دیکھ لوں
اے خدا! میرے دِل کو بھی پُر نور کر
میں بھی روشن ترا یہ مکاں دیکھ لوں
میرے من میں بھی جگنو چمکتے ہیں، جب
تیرا تاروں بھرا آسماں دیکھ لوں
ان اندھیروں کو مجھ سے کوئی کام کیا؟
جب ترے نُور کو ضوفشاں دیکھ لوں
یوں ہی ہوتی رہے جو عنایت تری
خاک سے آسماں تک اماں دیکھ لوں
تُو ہے قہار بھی، تُو ہے جبار بھی
جب بھی دیکھوں تجھے مہرباں دیکھ لوں
تیری حمد و ثنا کوئی کیسے کرے؟
بے زباں ہر کسی کو یہاں دیکھ لوں
(سید حماد رضا بخاری)

[میاں محمد اشفاق]

سبحان اللہ محترم
اللہ آپکو جزائے خیر عطا فرمائے آمین ثم آمین

[nizamuddin]

سبحان اللہ ۔۔۔۔ بہت خوب