احمد فراز کی غزلیں

[nizamuddin]

[center]آنکھ سے دور نہ ہو دل سے اتر جائے گا
وقت کا کیا ہے، گزرتا ہے، گزر جائے گا
اتنا مانوس نہ ہو خلوتِ غم سے اپنی
تو کبھی خود کو بھی دیکھے گا تو ڈر جائے گا
تم سرِ راہِ وفا دیکھتے رہ جاؤگے
اور وہ بامِ رفاقت سے اتر جائے گا
زندگی تیری عطا ہے تو یہ جانے والا
تیری بخشش تری دہلیز پر دھر جائے گا
ڈوبتے ڈوبتے کشتی کو اچھالا دے دوں
میں نہیں، کوئی تو ساحل پہ اتر جائے گا
ضبط لازم ہے مگر دکھ ہے قیامت کا فراز
ظالم اب کے بھی نہ روئے گا تو مرجائے گا
(احمد فراز)[/center]

[محمد شعیب]

احمد فراز کی غزلوں کے لئے بندہ نے ایک دھاگہ "دیوان فراز" کے نام سے شروع کیا تھا. اگر آپ اسی میں مزید شئرنگ کریں تو ایک بڑا خزانہ جمع ہو جائے گا.
[link]http://urdunama.org/forum/viewtopic.php?f=4&t=7757[/link]

[nizamuddin]

احمد فراز کی غزلوں کے لئے بندہ نے ایک دھاگہ "دیوان فراز" کے نام سے شروع کیا تھا. اگر آپ اسی میں مزید شئرنگ کریں تو ایک بڑا خزانہ جمع ہو جائے گا.
[link]http://urdunama.org/forum/viewtopic.php?f=4&t=7757[/link]

انشا اللہ اس میں بھی شیئرنگ کی جائے گی ۔۔۔ پہلے مجھے معلوم نہ تھا۔

[nizamuddin]

خاموش ہو کیوں، دادِ جفا کیوں نہیں دیتے
بسمل ہو تو قاتل کو دعا کیوں نہیں دیتے
وحشت کا سبب روزنِ زنداں تو نہیں ہے
مہر و مہ و انجم کو بجھا کیوں نہیں دیتے
اک یہ بھی تو اندازِ علاجِ غمِ جاں ہے
اے چارہ گرو، درد بڑھا کیوں نہیں دیتے
منصف ہواگر تم تو کب انصاف کروگے
مجرم ہیں اگر ہم تو سزا کیوں نہیں دیتے
رہزن ہو تو حاضر ہے متاعِ دل و جاں بھی
رہبر ہو تو منزل کا پتہ کیوں نہیں دیتے
کیا بیت گئی اب کے فراز اہلِ چمن پر
یارانِ قفس مجھ کو صدا کیوں نہیں دیتے
(احمد فراز)

[چاند بابو]

بہت خوب محترم

[محمد شعیب]

بہت خوب
کیا بات ہے فراز کی.شئرنگ کا شکریہ

[اضواء]

ضبط لازم ہے مگر دکھ ہے قیامت کا فراز
ظالم اب کے بھی نہ روئے گا تو مرجائے گا
(احمد فراز)


شئیرنگ پر آپ کا شکریہ

[nizamuddin]

[center]اب کے ہم بچھڑے تو شاید کبھی خوابوں میں ملیں
جس طرح سوکھے ہوئے پھول کتابوں میں ملیں
ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں
غم دنیا بھی غم یار میں شامل کرلو
نشہ بڑھتا ہے شرابیں جو شرابوں میں ملیں
تو خدا ہے نہ میرا عشق فرشتوں جیسا
دونوں انساں ہیں تو کیوں اتنے حجابوں میں ملیں
آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں
اب نہ وہ ہیں، نہ وہ تو ہے، نہ وہ ماضی ہے فراز
جیسے دو شخص تمنا کے سرابوں میں ملیں
(احمد فراز)[/center]

[افتخار]