پنجابی خبراں

[اسداللہ شاہ]

[center]پیپلز پارٹی پنجاب نے مطالبہ کیتا اے کہ سابق صدر پرویز مشرف نوں پاکستان لیا کے اوہدے خلاف مقدمہ چلایا جائے۔ ایہہ مطالبہ پیپلزپارٹی دے صوبائی دفتر لاہور وچ ہون والے مظاہرے دے شرکاء نے کیتا۔ مظاہرین نال خطاب کردیاں پیپلز پارٹی پنجاب دے صدر رانا آفتاب نے کہیا کہ پیپلز پارٹی دے کارکن جے جان دینا جاندے نیں تے اوہ انتقام لینا وی جاندے نیں۔ اونہاں اعلان کیتا کہ 14 نومبر نوں پیپلز پارٹی ضلعی ہیڈ کوارٹرز اتے احتجاجی مظاہرے کرے گی۔ اونہاں اک قرار داد وی پیش کیتی جدے وچ صدر آصف علی زرداری دی قیادت اتے اعتماد دا اظہار کیتا گیا۔ مظاہرین نال سمیع اللہ خان ،اورنگزیب برکی، حاجی اسحاق، ساجدہ میر تے عظمٰی بخاری نے وی خطاب کیتا۔[/center]

[رضی الدین قاضی]

خبراں لکھن دی مہربانی اسد بھایا۔

[چاند بابو]

[center]سابق وفاقی وزیر شیخ رشید احمد نے کہیا اے کہ پاکستان دے ایٹمی اثاثے محفوظ ہتھاں وچ نیں تے ایٹمی اثاثیاں نوں امریکہ کولوں کوئی خطرہ نئیں۔ ایہہ گل اونہاں نے لاہور ہائیکورٹ وچ میڈیا نال گل بات کردیاں کیتی۔ اونہاں دا کہنا سی کہ پاکستانی قوم نے کوئی چوڑیاں نئیں پائیاں ہوئیاں نیں تے اوہ اپنے اثاثیاں دی حفاظت کرنیاں جاندیاں نیں تے ڈاکٹر عبدالقدیر سمیت کوئی پاکستان دے ایٹمی اثاثیاں نوں ویچ سکدا اے۔ اونہاں دا کہنا سی کہ جے خدانخواستہ پاکستان اتے ایٹمی حملہ ہویا تے فیر وی پاکستان دے ایٹمی اثاثے محفوظ رہن گے۔[/center]

ایہہ اوہ موصوف ہی ہن جنہاں مشرف دور وچ ایہی رٹ رکھی سی کہ پاکستان دے ایٹمی اثاثے دہشتگرداں دے ہتھے لگ سکدے نے ایس لئی سانوں امریکی سامراج دی گل من کے دہشت گرداں دے خلاف انہاں نوں کھلی چھٹی دے دینی چاہی دی وا۔

[اعجازالحسینی]

کُتی چوراں نال رلی ہوئی اے ۔

[اسداللہ شاہ]

[center]طالب علماں نے دہشت گردی دی حالیہ لہر نوں بیرونی مداخلت تے حکومت دا خود مختار نہ ہونا قرار دتا اے۔ اپنا نیوز نال گل بات کردیاں پنجاب یونیورسٹی لاہور دے طالب علماں نے کہیا کہ دہشت گردی دی حالیہ لہر وچوں نکلن لئی ضروری اے کہ پاکستان دے اندر ہون والی بیرونی مداخلت نوں روکیا جائے تے ایس مسئلے نوں طاقت دی بجائے مذاکرات دے ذریعے حل کیتا جائے۔[/center]

[اسداللہ شاہ]

[center]لاہور دے نواحی علاقے رائیونڈ وچ جاری تن روزہ عالمی تبلیغی اجتماع دا دوجا مرحلہ عالم اسلام دی سربلندی تے اتحاد امت تے ملکی سلامتی لئی رقت آمیز دعاواں دے نال ای ختم ہوگیا اے۔ عالمی تبلیغی اجتماع دے آخری روز اختتامی دعا وچ پاکستان سمیت دنیا بھر توں لکھاں افراد نے شرکت کیتی انڈیا توں آئے ہوئے معروف عالم دین مولانا زبیر الحسن نے اختتامی دعا کرائی اجتماعی دعا وچ ملک وچ امن دے قیام لئی رو روکے اللہ رب العزت کولوں التجاء کیتی گئی۔ تبلیغی اجتماع دی اختتامی نشست نال خطاب کردیاں ہویاں علمائے کرام دا کہنا سی کہ اسلام دی سربلندی تے ملکی استحکام لئی مسلماناں دا اللہ تے اودھے پیارے نبی صلی اللہ علیہ وسلم دیاں تعلیمات اتے عمل پیرا ہونا ضروری اے۔ اونہاں نے کہیا کہ ہر مسلمان نوں اسلامی تعلیمات دے پرچار وچ کردار ادا کرنا چائیدا اے۔ اونہاں دا کہنا سی کہ چند روزہ دنیا دے عیش و آرام د ے نال نال عبادات دے ذریعے آخرت لئی وی زاد راہ تیار کرنا چائیدا اے۔ علمائے کرام دا کہنا سی کہ بیرونی امداد نال پاکستان دے مسائل حل ہون دی بجائے ودھن گے تے ایس لئی اللہ رب العزت اتے پورا توکل کرنا چائیدا اے۔ عالمی تبلیغی اجتماع دا دوجا مرحلہ 12 نومبر جمعرات توں شروع ہویا سی جد کہ اختتامی دعا اج ہوئی جدے وچ وی دنیا بھر توں لکھاں فرزندان توحید تے سینکڑاں جید علمائے کرام شرکت کیتی۔ اختتامی دعا توں بعد ملک دے دور دراز علاقیاں توں آئے ہوئے لوکاں دی واپسی شروع ہوگئی اے۔[/center]

[اسداللہ شاہ]

[center]لاہور پولیس نے آسٹریلیا چوک نولکھا توں بم دھماکیاں تے خودکش حملیاں وچ استعمال ہون والا دھماکہ خیز مواد کیمیکل امونیم نائٹریٹ ٹرک سمیت قبضے وچ لے کے ملزماں نوں گرفتار کرلتا اے۔ ایہہ گل ایس ایس پی انوسٹی گیشن لاہور ذوالفقار حمید نے اپنے دفتر وچ میڈیا نال گل بات کردیاں دسیا اے کہ کامران نامی ملزم نے عبدالصمد نامی شخص دے ناں ایہہ سامان پشاور لئی بُک کرایا سی تے ایہہ دھماکہ خیز مواد 38 کاٹناں وچ بند سی تے پولیس نے ایہہ ٹرک اڈے توں قبضے وچ لیا اے[/center]

[اسداللہ شاہ]

[center]سی سی پی او لاہور پرویز احمد راٹھور نے دہشت گردی دے خطرے دے پیش نظر شہر دے تمام ایس ایچ اوز نوں اپنے اپنے علاقیاں وچ سیکورٹی دے انتظامات سخت کرن دی ہدایت کیتی اے۔ لاہور پولیس دے ترجمان دے مطابق لاہور پولیس دے سربراہ پرویز احمد راٹھور نے شہر دے تمام ایس پیز تے ایس ایچ اوز نوں اک مراسلہ جاری کیتا اے جدے وچ اونہاں نوں اپنے علاقیاں وچ مشکوک افراد اتے کڑی نظر رکھن تے غیر قانونی رہائش پذیر افراد دے خلاف مقدمات درج کرن تے شہر دے داخلی تے خارجہ رستیاں اتے سیکورٹی نوں الرٹ رہن تے گڈیاں دی چیکنگ دی ہدایت کیتی اے۔[/center]

[اسداللہ شاہ]

خبراں لکھن دی مہربانی اسد بھایا۔

شکریہ

[اسداللہ شاہ]

[center]صوبائی وزیرزراعت ملک احمد علی اولکھ نے کہیا اے کہ ایس سال ریکارڈ فصل ہوئی اے ایس لئی ملک وچ آٹے سمیت خوراک دے بحران دا کوئی امکان نئیں۔ اوہ پنجاب یونیورسٹی دے انسٹی ٹیوٹ آف پلانٹ پتھالوجی وچ نیچرل پراڈکٹ لیبارٹری دی افتتاحی تقریب نال خطاب کررئے سن۔ اونہاں دا کہنا سی کہ زراعت دے شعبے وچ ریسرچ نوں بڑی اہمیت حاصل اے۔ قوماں دی ترقی تحقیق تے شبانہ روز محنت دی مرہون منت ہوندی اے۔ زراعت دی ترقی لئی چین دے سائنسدان پاکستان آن گے جدکہ ایتھوں سائنسدان چین جان گےتاں جے جدید تحقیق دا آپس وچ تبادلہ کیتا جاسکے۔ اونہاں نے کہیا کہ حکومت دیاں کوششاں دے نال زراعت دے شعبے دا گروتھ ریٹ 7 اعشاریہ 24 اے جہیڑا کہ کسے وی شعبے دی ترقی نالوں زیادہ اے۔ بعد وچ میڈیا نال گل بات کردیاں اونہاں نے کہیا کہ چینی دا بحران وقتی اے تاں جے ایس صورتحال دے خاتمے لئی غیر جانبدارانہ پالیسی بنان دی لوڑ اے۔[/center]

[اعجازالحسینی]

خبراں لکھن دی مہربانی اسد لالہ

[اسداللہ شاہ]

خبراں لکھن دی مہربانی اسد لالہ

تواڈا شکریہ

[اسداللہ شاہ]

[center]بینظیر بھٹو دی پولیٹیکل سیکرٹری ناہید خان نے کہیا اے کہ وفاقی کابینہ تے پیپلز پارٹی وچ شامل ایسے لوک جنہاں نوں این آر او نال فائدہ پہنچیا اے اوہ اپنے عہدیاں توں مستعفی ہوجان۔ ایہہ گل اونہاں نے پیپلزپارٹی دے رہنما اسلم گل دی رہائشگاہ لاہور اتے اونہاں دی والدہ دی وفات اتے تعزیت کرن توں بعد میڈیا نال گل بات کردیاں کیتی۔ اونہاں نے کہیا کہ صدر تے وزیراعظم کولوں سیاسی جماعتاں تے عوام نوں جیڑیاں امیداں وابسطہ سن اوہ پوریاں نئیں کرپائے جدکہ وزراعظم اتے سیاسی جماعتاں نوں ہالے وی اعتماد اے۔ اونہاں دا کہنا سی کہ بینظیر بھٹو دے قتل دی تحقیقات کرن والے اقوام متحدہ دے کمیشن نوں اونہاں تمام لوکاں تک رسائی دتی جاوے جنہاں دا ناں بینظیر بھٹو دے قتل دے وقت پیپلز پارٹی نے لتا سی۔ ایس موقع اتے سینیٹر صفدر عباسی دا کہنا سی کہ این آر او نوں پارلیمنٹ وچ لیان توں بعد اونہوں واپس لین نال پیپلز پارٹی دی عزیمت ہوئی اے۔[/center]

[اسداللہ شاہ]

[center]پاکستان مسلم لیگ ق دے صدر چودھری شجاعت حسین نے کہیا اے کہ صدر آصف علی زرداری نوں آئین دے تحت تحفظ حاصل اے جدکہ این آر او توں فائدہ چُکن والے دوجے حکومتی عہدیداران نوں فوری استعفے دے دینے چائیدے نیں۔ ایہہ گل اونہاں نے لاہور وچ اپنی رہائشگاہ اُتے پریس کانفرنس نال خطاب کردیاں کیتی۔ شجاعت حسین دا کہنا سی کہ این آر او توں فائدہ چُکن والے 8 ہزار افراد دی فہرست وچوں کرپشن تے فوجداری مقدمات نوں الگ الگ کیتا جائے۔ اونہاں نے کہیا کہ جے فوجداری مقدمات وچ ملوث لوکاں دے کیساں دا فیصلہ نہ ہویا تے کرپشن وچ ملوث 36 لوک وی سزا توں بچ جان گے۔ چودھری شجاعت حسین دا کہنا سی کہ این آر او دی زد وچ آن والے لوکاں دے بیرون ملک فرار ہون دا خدشہ اے اونہاں دے ناں ای سی ایل وچ شامل کیتے جان۔ شجاعت حسین نے کہیا کہ جنہاں لوکاں دے خلاف کرپشن دے مقدمات نیں اونہاں نوں عدالتاں دا سامنا کرنا چائیدا اے۔ اونہاں دا کہنا سی کہ اونہاں نوں یقین اے کہ مجرم قانون دے ہتھ وچوں بچ نئیں سکن گے تے ساڈھی پارٹی تے خاندان وچوں کسے فرد دا فہرست وچ ناں نئیں۔[/center]

[اعجازالحسینی]

گل پتے دی کہی اے چوہدری شجاعت نے ۔

[اسداللہ شاہ]

[center]مشیر برائے وزیر اعلٰی پنجاب سعید مہدی نے اپنے عہدے توں استعفیٰ دے دتا اے۔ اوہ این آر او دی فہرست وچ اپنا ناں آن اتے مستعفی ہوئے نیں۔ اونہاں اتے 1992 وچ سی ڈی اے دی چئیرمین شپ دے دوران وزیر اعظم سیکرٹریٹ دے گیٹ بنان لئی 6 لکھ روپے دی بک ٹرانسفر کرن دا الزام اے۔ استعفے توں بعد میڈیا نال گل بات کردیاں سعید مہدی دا کہنا سی کہ اونہاں نے این آر او توں فائدہ نئیں چکیا۔ اوہ عدلیہ دی آزادی اتے پورا یقین رکھدے نیں اوہ اپنے خلاف بنائے گئے ہر کیس دا عدالت وچ سامنا کرن گے۔ سعید مہدی دا استعفیٰ سیاسی ایواناں وچ اک اہم پیش رفت سمجھی جارئی اے تے ایدے نال ایوان وچ وڈھا بھونچال آن دا امکان اے.[/center]

[اسداللہ شاہ]

[center]پاکستان بجلی دے شدید ترین بحران وچوں گزر رئیا اے۔ موسم گرما وچ لاہور دے شہریاں نے 18،18 گھنٹے دی لوڈشیڈنگ وی برداشت کیتی پر پوری دنیا دے برعکس لاہور دے مختلف علاقیاں وچ دن دے وقت وی سٹریٹ لائٹس دا جلدے رہنا معمول بن چکیا اے جیڑا بجلی دا بے جا ضیاء اے۔ لوک وی دن دیہاڑے سٹریٹ لائٹس نوں روشن ویکھ کے بے چینی دا شکار ہوجاندے نیں۔ ضرورت ایس چیز دی اے کہ حکومت بجلی دے ایس فضول استعمال نوں روکن لئی فوری انتظامات کرن تے غفلت دے مرتکب لوکاں نوں سزا دتی جائے تاں جے قیمتی توانائی نوں درست جگہ استعمال کیتا جاسکے[/center]

[اسداللہ شاہ]

[center]ضلعی حکومت نے عید دے تنے دن لاہوروچ دفعہ 144 نافذ کرن دا فیصلہ کیتا اے جدے تحت سڑکاں تے کھلے میداناں وچ سری پائے بھنن تے نہر وچ جانوراں دیاں آلائشاں سُٹن والیاں دے خلاف کاروائی کیتی جائے گی۔ سجاد احمد بھٹہ نے ضلع کچہری لاہور وچ ضلعی حکومت ولوں عید دے موقع اتے صفائی دے انتظامات دے حوالے نال کیتے گئے انتظامات بارے بریفنگ دیندیاں اونہاں دا کہنا سی کہ جانوراں دیاں آلائشاں دے ذریعے گندگی پھیلن نون روکن لئی لاہور بھر وچ اک لکھ پولی تھین بیگ تقسیم کیتے جان گے جد کہ صفائی دے عملے دیاں چھٹیاں منسوخ کرن دے نال نال تمام مشینری سڑکاں اتے لیائی جائے گی۔ اونہاں دا کہنا سی کہ شہر وچ صفائی نوں یقینی بنان لئی ٹاونز دی سطح اتے چھاپہ مار ٹیماں وی تشکیل دے دتیاں گئیاں نیں جیڑیاں پورے شہر وچ مختلف مقامات تے چھاپے مارن گیاں تے صفائی وچ غفلت برتن والے کسے شخص نوں معاف نئیں کیتا جائے گا۔[/center]

[اسداللہ شاہ]

[center]لاہور دے علاقے علامہ اقبال ٹاؤن دی مون مارکیٹ وچ دو دھماکیاں دے نتیجے وچ 10 توں ودھ افراد جاں بحق تے 60 توں ودھ افراد زخمی ہوگئے نیں جدکہ ایس ایس پی آپریشنز دا کہنا اے کہ علاقے وچ دھماکے نال 10 توں ودھ افراد ہلاک ہوگئے نیں۔ ریسکیو 1122 دے ذرائع دے مطابق 42 توں ودھ زخمیاں نوں شیخ زید ہسپتال منتقل کردتا گیا اے۔ زخمیاں وچ ذیادہ تر بچے شامل نیں۔ دھماکیاں توں بعد علاقے وچ بجلی دی سپلائی منقطع ہوگئی جدی وجہ توں امدادی سرگرمیاں وچ مشکلات دا سامنا کرنا پے ریا اے۔ مون مارکیٹ دوبئی چوک وچ ٹریفک بُری طراں جام ہوچکی اے۔ دھماکے دی آواز تن کلومیٹر تک سنی گئی۔ دھماکے دے نتیجے وچ درجناں دوکاناں سمیت اک نجی بنک وچ اگ لگ گئی اے۔ علاقے وچ لگی جان والی اگ اتے قابو پان دی کوشش کیتی جارئی اے جدکہ ہجے تک اگ اتے قابو نئیں پایا جاسکیا اے۔ پولیس نے علاقے نوں گھیرے وچ لے لیا اے۔ امدادی ٹیماں نے امدادی کم شروع کردتا اے۔ دھماکیاں دے زخمیاں نوں شیخ زید ہسپتال تے جناح ہسپتال منتقل کیتا جاریا اے۔[/center]

[اسداللہ شاہ]

[center]صوبائی دارالحکومت لاہور وچ بیک وقت دو دھماکیاں دے دوران 42 افراد ہلاک جدکہ ڈیڑھ سو توں ودھ زخمی ہوگئے نیں تے خدشہ ایہہ ظاہر کیتا جاریا اے کہ ہلاک ہون والے افراد دی تعداد ذیادہ ہوسکدی اے۔ ذرائع دے مطابق سوموار دی رات 8 بج کے 47 منٹ تے علامہ اقبال ٹاؤن دے علاقے مون مارکیٹ وچ بیک وقت دو دھماکے ہون اتے اوتھے افراتفری پھیل گئی۔ دھماکیاں دے نال ای یکدم دھواں ای دھواں ہوگیا تے مون مارکیٹ دی عمارت نوں اگ لگ گئی جدکہ دھماکیاں دی وجہ توں خریداری لئی آن والیاں کئی خواتین، بچے تے مرد ہلاک ہوگئے نیں۔ ریسکیو 1122 دے مطابق ہلاک ہون والے افراد دی تعداد 42 اے جدکہ زخمیاں دی تعداد 151 اے جنہاں نوں مختلف ہسپتالاں وچ داخل کروادتا گیا اے۔[/center]