لکھ کر دو

[انور جمال انور]

مجھ سے کیا چاہتی ہو ، لکھ کر دو

سوچتی جارہی ہو ، لکھ کر دو

میں کسی کا نہیں زمانے میں

ہاں اگر تم مری ہو ، لکھ کر دو

کیسے تم پر میں اعتبار کروں

تم بدل سی گئی ہو ، لکھ کر دو

ہاں کٹھن راہ ِ عشق ہے اے دوست

تم اگر رک گئی ہو ، لکھ کر دو

میں تو سمجھا تھا تم ہو میری طرح

تم کوئی دوسری ہو ؟ لکھ کر دو

جو بھی کہنا ہے کہ دو انور سے

تم جدا ہو رہی ہو ، لکھ کر دو

انور جمال انور

[اضواء]

بہت ہی خوب جاری رکھئیے

[محمد شعیب]