تہذیب بنی ،،،،

[انور جمال انور]

مال و دولت سے نہ املاک سے تہذیب بنی

علم سے ،عقل سے ادراک سے تہذیب بنی

جب محبت کو کیا عام کسی نے آکر

پھر اسی جذبہء بےباک سے تہذیب بنی

جانے کس دل میں حیا پیدا ہوئی پہلے پہل

پھر جو دیکھا گیا پوشاک سے تہذیب بنی

ان فلک بوس مکانوں کی قسم ہے مجھ کو

میرے اجداد میں خاشاک سے تہذیب بنی

آسمانوں کی طرف دیکھنا بنتا ہی نہیں

تو ہے انسان تری خاک سے تہذیب بنی

ایک دو روز کی یہ بات نہیں ہے انور

سال ہا گردش افلاک سے تہذیب بنی

انور جمال انور

[بلال احمد]

[center]آسمانوں کی طرف دیکھنا بنتا ہی نہیں
تو ہے انسان تری خاک سے تہذیب بنی[/center]

بہت عمدہ، شیئرنگ کے لیے شکریہ

[چاند بابو]

بہت خوب لاجواب شئیرنگ پر آپ کا شکریہ محترم۔

[اضواء]

بہترین ہے آپ کا بہت بہت شکریہ

[میاں محمد اشفاق]

بہت خوب اور لا جواب::: شیئر کرنے کا بہت بہت شکریہ

[چاند بابو]

ایک بار پھر سے

[انور جمال انور]

سلامت رہیں ، ، ،