لو پھر سے ساتھ چھوٹا گُل ھائے خوشنما کا

[ماظق]

[center]لو پھر سے ساتھ چھوٹا گُل ھائے خوشنما کا
یہ فصل گل بھی یارو جھونکا تھا اک ھوا کا

کیا میں بھی بیٹھ جاؤں سائے میں گیسوؤں کے
کیا شہر دل پہ ھو گا سایہ تری گھٹا کا

انداز گفتگو کا ھو جلترنگ جیسے
لہجے میں تیرے ایسا اک سوز تھا بلا کا

کلیاں نقاب اُلٹیں یا شاخ گل سجائیں
ھر رنگ روپ پر ھے دھوکہ تری ادا کا

یہ کون قہقہوں میں سُر گھولتا رھا ھے
آواز کے سفر میں ھونے لگا چھناکا

دشت وفا میں دل کو جو فرش راہ دیکھا
خونناب ھو رھا ھے ھر زخم نقش پا کا

آنکھوں پہ اس کی یارو ھم کو گماں ھوا ھے
جھیلوں کی دلکشی کا نرگس کی آتما کا

چہرہ ھوا گلابی اور ھونٹ ارغوانی
یہ شوخیء بہاراں یا رنگ ھے حنا کا

جب وہ حیات ھو گی بعد الممات دانش
ملنا ھمارا ھو گا تم سے وھاں سدا کا[/center]

[علی بابا]

زبردست ماظق بھائ! بہت اچھی شاعری ارسال کی ہے آپ نے۔

[رضی الدین قاضی]

واہ جناب !
بہت خوب