[center]
دوسری طرف میرے دوسرے کمرے میں کمپیوٹر پڑا ہے جس میں کئی قسم کا مواد پڑا ہے تو اس کا کیا کروں؟
یعنی اسکی موجودگی میں بھی نماز اس کمرے میں نہ پڑھوں
ہماری درسی کتب سامنے صوفے پر پڑی ہوتی ہیں جن میں کئ قسم کی تصاویر ہوتی ہیں اور مجھے اچھا نہیں لگتا کہ انہیں کی موجودگی میں ...
ان تین باتوں پر کوئی حرج نہیں
کیونکہ یھاں تصویر ظاھر نہیں ہے مخفی ہے
میری جیب میں بلکہ ہر کسی کی جیب میں روپے موجود ہوتے ہیں سکہ بھی ہوتا ہے اور تصویر بھی تو ...
اس میں بھی کوئی حرج نہیں کیونکہ یہ ایک مجبوری ہے
اب رہا آپ کا یہ سوال
میرے کمرے میں ایک تصویر ہے کیا میں نماز پڑھنے کے لیے اس پر کپڑا وغیرہ ڈال دیا کروں یا اس تصویر کو ہی اتار دوں (یہ اچھا رہے گا)
تو اس کا جواب تھوڑا طویل ہے
جاندار چیزوں کی تصویريں گھر میں لٹکانا جائز نہیں
کیونکہ
ہمارے حبیب صَلَّى اللَّهُ عَلَيْهِ وَسَلَّمَ کا فرمان ہے:
لَا تَدْخُلُ الْمَلَائِكَةُ بَيْتًا فِيهِ كَلْبٌ وَلَا صُورَةٌ
(ملائکہ اس گھر میں داخل نہیں ہوتے جہاں کتا ہو اور تصویر ہو )
رواه البخاري ومسلم
ویسے تو اسلام ہمیں اس چیز سے ہی روکتا ہے کہ ہم اپنے گھروں میں
ذی روح کی تصویریں لٹکائیں
مگر نماز کے لیے تصاویر کی موجودگی کس وجہ سے مکروہ ہے وہ جاننے کے لیے یہ حدیث پڑھیں
فعَنْ أَنَسٍ رَضِيَ اللَّهُ عَنْهُ قَالَ: كَانَ قِرَامٌ لِعَائِشَةَ سَتَرَتْ بِهِ جَانِبَ بَيْتِهَا فَقَالَ لَهَا النَّبِيُّ صَلَّى اللَّهُ عَلَيْهِ وَسَلَّمَ:
أَمِيطِي عَنِّي فَإِنَّهُ لَا تَزَالُ تَصَاوِيرُهُ تَعْرِضُ لِي فِي صَلَاتِي.
رواه البخاري.
انس رضی اللہ عنہ سے روایت ہے کہ :
عا ئشہ رضی اللہ عنھا کے پاس ایک پردہ تھا جو انھوں نے گھر کے ایک جانب لٹکا دیا تھا،
(آپ صلی اللہ علیہ وسلم اسی طرف منہ کر کے نماز پڑھ رہے تھے) نبی صلی اللہ علیہ وسلم نے فرمایا "یہ پردہ نکال دو اسکی تصویریں نماز میں میرے سامنے آتی ہیں"
(یعنی نماز میں خلل ڈالتی ہیں (توجہ ہٹاتی ہیں )
صحیح مسلم
جب ہمارے نبی صلی اللہ علیہ وسلم نےعائشہ رضی اللہ عنھا کے پاس ایک پردہ دیکھا جس میں تصویریں تھیں تو آپ صلی اللہ علیہ وسلم نے اسے پھاڑ دیا اور آپ کا چہرہ غصے والا ہو گیا۔
آپ صلی اللہ علیہ وسلم نے عائشہ رضی اللہ عنھا سے فرمایا؛
(بے شک جو لوگ یہ تصویریں بناتے ہیں قیامت کے دن ان کو عذاب دیا جائے گا اور ان سے کہا جائے گا جو تم نے بنایا ہے اب اس میں جان بھی ڈالو۔)
رواه مسلم
اور اس کے علاوہ ہمارے جبیب صلی اللہ علیہ وسلم نے فرمایا ؛
(لا تدع صورة إلا طمستها ولا قبراً مشرفاً إلا سويته)
کوئی تصویر نہ چھوڑو مگر اسے مٹا دو ، اور جو قبر اونچی ہو اسے برابر کر دو
صحيح مسلم
مگر
یہ نہیں کہا جاسکتا کہ تصویر والے کمرے میں نماز نہیں ہوتی
نماز آپکی صحیح ہو جائے گی
مگر نماز میں خشوع اور سکینت کے لیے اگر کمرہ تصاویر سے پاک ہو تو افضل ہے
کیونکہ جہاں تصویر ہوگی وہاں فرشتے ہی داخل نہیں ہونگے
اور نمازی کی نماز میں خلل بھی واقع ہوگا
عن ابن عباس رضي الله عنه :
( ليس لك من صلاتك إلا ما عقلت منها )
حضرت ابن عباس سے روایت ہے:
تمھاری نماز میں تمھارا حصہ صرف وہی ہے جو تم نے سمجھ کر پڑھا
اور ہمارے خالق کا فرمان ہے
قد أفلح المؤمنون الذين هم في صلتهم خاشعون
بے شک ایمان والے فلاح پا گئے جو اپنی نمازوں میں خشوع کرتے ہیں
بے شک تصاویراور فرشتوں کے داخلہ پر رکاوٹ ہماری نمازوں سے خشوع کو ختم کر دیتی ہے
اس لیے تصاویر کو گھروں پر لٹکانے اور ھندوں کی مشابھت کرنے سے اجتناب بہتر ہے
مگر پھر بھی آپ کی نماز تصاویر کی موجودگی میں باطل نہیں ہوگی
ان شاء اللہ
واللہ اعلم[/center]
[/center]
