خواجہ غلام فرید

[ناصر رضا]

اٍے حسن حقیقی نُور اذل
اٍے حسن حقیقی نُور اذل۔۔۔۔
تینوں واجب تے امکان کہوں

تینوں خالق ذات قدیم کہوں
تینوں حادث خلق جہان کہوں

تینوں مطلق محض وجود کہوں
تینوں علمیہ اعیان کہوں۔۔۔۔

ارواح نفوس عقول مثال
اشباح عیان نہان کہوں

تینوں عین حقیقت ماہیت
تینوں عرض صفت تے شان کہوں

انواع کہوں اوضاع کہوں
اطوار کہوں اوذان کہوں۔۔

تینوں عرش کہوں افلاک کہوں
تینوں ناذ نعیم جنان کہوں۔۔۔۔

تینوں تَت جماد نبات کہوں
حیوان کہوں انسان کہوں

تینوں مسجد مندر دیر کہوں
تینوں پوتھی تے قرآن کہوں

تسبیح کہوں زنار کہوں
تینوں کفر کہوں ایمان کہوں

تینوں بادل برکھا گاج کہوں
تینوں بجلی تے باران کہوں

تینوں آب کہوں تے خاک کہوں
تینوں باد کہوں نیران کہوں

تینوں دسرت لچھمن رام کہوں
تینوں سیتا جی جانان کہوں

بلدیو جسودا نند کہوں
تینوں کشن کنیھا کان کہوں

تینوں برما بشن گنیش کہوں
مہادیو کہوں بھگوان کہوں

تینوں گیت گرنتھ تے بید کہوں
تینوں گیاں کہوں اگیاں کہوں

تینوں آدم حوا شیت کہوں
تینوں نوح کہوں طوفان کہوں

تینوں ابراہیم خلیل کہوں
تینوں موسیَ بن عمران کہوں

تینوں ہر دل دا دلدار کہوں
تینوں احمد عالی شان کہوں

تینوں شاہد ملک حجاز کہوں
تینوں باعث کون مکان کہوں

تینوں ناز کہوں انداز کہوں
تینوں حور پری غلمان کہوں

تینوں نوک کہوں تینوں ٹوک کہوں
تینوں سرخی بیڑا پان کہوں۔۔۔۔۔۔

تینوں طبلہ تے طنبور کہوں۔۔
تینوں ڈھولک تے سر بان کہوں

تینوں حسن تے ہار سنگھار کہوں
تینوں عشوہ غمزہ آن کہوں۔۔۔۔

تینوں عشق کہوں تینوں علم کہوں
تینوں وہم یقین گمان کہوں۔۔۔۔۔۔۔

تینوں حسن قوی ادراک کہوں
تینوں ذوق کہوں وجدان کہوں

تینوں سکر کہوں سکران کہوں
تینوں حیرت تے حیران کہوں

تسلیم کہوں تلوین کہوں
تمکین کہوں عرفان کہوں

تینوں سنبل سوسن سرو کہوں
تینوں نرگس نافرمان کہوں

تینوں لالہ داغ تے باغ کہوں
گلزار کہوں بستان کہوں

تینوں خنجر تیر تفنگ کہوں
تینوں برچھا بانک سنان کہوں

تینوں تیر خدنگ کمان کہوں
سوفار کہوں پیکان کہوں

بے رنگ کہوں بے مثل کہوں
بے صورت ہر ہر آن کہوں

سبوح کہوں قدوس کہوں
رحمان کہوں سبحان کہوں

کر توبہ ترت فرید سدا
ہر شے نوں پر نقصان کہوں

اسے پاک الکھ بے عیب کہوں
اسے حق بے نام نشان کہوں

خواجہ غلام فرید۔۔
ناصر رضا 03008875400
صوفیانہ کلام

[میاں محمد اشفاق]

[چاند بابو]

شئیر کرنے کا بہت بہت شکریہ.

[بلال احمد]

شیئرنگ کیلئے شکریہ بھائی