غزل .... اجنبی کون یہ آیا ہے مرے گاؤں میں

[امین عاصم]

محترم قارئین !
آپ کی خدمت میں ایک غزل پیش کر رہا ہوں.


اجنبی کون یہ آیا ہے مرے گاؤں میں
ایک ہنگامہ سا برپا ہے تمناؤں میں

رُوپ کی دُھوپ نے وہ لطف دیا ہے کہ مجھے
اب نہ چین آئے گا پیڑوں کی گھنی چھاؤں میں

میں اسیرِ غمِ دنیا، میں اسیرِ غمِ دل
طوق گردن میں نہ زنجیر مرے پاؤں میں

قتل گاہوں کا بھی کچھ ہاتھ ہے سیلابوں میں
خون بھی بہتا رہا دیس کے دریاؤں میں

اِتنی مسموم نہیں ہے ابھی شہروں کی فضا
جانے کیوں لوگ نکل آئے ہیں صحراؤں میں

کسی جنگل کو ہے مجنوں کی ضرورت عاصم
ذکر میرا بھی رہے شہر کی لیلاؤں میں

والسلام
امین عاصم

[اضواء]

بہترین غزل پئیش کرنے پر آپ کا شکریہ ....

[زین]