کلام

[ناصر رضا]

عزمِ سفر سے پہلے بھی اور ختمِ سفر سے آگے بھی
'راہ گزر ہی راہ گزر ہے، راہ گزر سے آگے بھی'

تابِ نظر تو شرط ہے لیکن، حدِّ نظر کیوں حائل ہے
جلوہ فگن تو جلوہ فگن ہے، حدِّ نظر سے آگے بھی

صبحِ ازل سے شامِ ابد تک، میرے ہی دم سے رونق ہے
اِس منظر سے اُس منظر تک، اُس منظر سے آگے بھی

وہم و گُماں سے علم و یقیں تک، سیکڑوں نازک موڑ آئے
روئے زمیں سے شمس و قمر تک، شمس و قمر سے آگے بھی

دل سے دعا نکلے تو یقیناً بابِ اثر تک پہنچے گی
آہ جو نکلے دل سے تو پہنچے، بابِ اثر سے آگے بھی

دیدۂ ترکا اب تو اخگرؔ ایک ہی عالم رہتا ہے
نالۂ شب سے آہِ سحر تک، آہِ سحر سےآگے بھی
ناصر رضا 03008875400

[اضواء]

آپکا شکریہ

[چاند بابو]

السلام علیکم

محترم ناصر رضا صاحب اچھا کلام شئیر کرنے کا بہت بہت شکریہ۔
مگر آپ نے پوسٹ کے لئے جگہ کا انتخاب درست نہیں کیا ہے یہ کلام آپ کو شاعری والے دھاگے میں لگانا چاہئے تھا۔
بہرحال اب میں اس کی جگہ تبدیل کر رہا ہوں۔

[بلال احمد]

عمدہ شیئرنگ کیلئے شکریہ

[سیما]