میرا پسندیدہ شعر

[اضواء]

[center]میری نادانیوں نے کھویا ہے تجھے
بچھڑ جانا فقط حادثہ نہیں تھا[/center]

[Hashmi]

اک اک زخم دکھاؤں تم کو آؤ تو
کیسے گزرے شام و سحر تم دیکھو تو

ہنستے گاتے لوگوں کی اس دنیا میں
ہم کیوں اتنے چپ رہتے ہیں سوچو تو

اک اک کر کے سارے ساتھی چھوڑ گئے
تم بھی راہ بدل سکتے ہو چاہو تو

[زین]

[center]نہ دل رہا نہ جگر، دونوں‌ جل کے خاک ہوئے
رہا ہے سینہ میں‌ کیا چشمِ خونفشاں کے لئے[/center]

[زین]

[center]اونچے سُروں میں ایک غزل گارہا ہوں میں
گو درد کی کسک سے مرا دل ہے بے قرار

یونہی ڈبو کے درد کو گیتوں کے شور میں
ناخوشگوار کو میں بناتا ہوں خوشگوار[/center]

[پپو]

[center]یاد سے اس کی نہیں خالی کوئی بھی لمحہ
پھر ڈرتا ہوں کہیں بھول نہ جاؤں اس کو[/center]

[اضواء]

[center]دنیا نے تیری یاد سے بیگانہ کر دیا
تجھ سے بھی دلفریب ہیں غم روز گار کے[/center]

[زین]

[center]مرے ہمسفر ! تری نذر ہیں مری عمر بھر کی یہ دولتیں
مرے شعر ، میری صداقتیں ، مری دھڑکنیں ، مری چاہتیں

تجھے جذب کرلوں لہو میں میں کہ فراق کا نہ رہے خطر
تری دھڑکنوں میں اتار دوں میں یہ خواب خواب رفاقتیں[/center]

[پپو]

[center]یہ اداس اداس سے بام و در یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو [/center]

[اضواء]

[center]ہم کو بےکار مشاغل کی فرصت نہیں عدم
دیکھنا وہ طور سے کس کو صدا دیتے ہیں[/center]

[زین]

[center]وہ راتیں چاند کے ساتھ گئیں، وہ باتیں چاند کے ساتھ گئیں
اس سکھ کے سپنے کیا دیکھیں، جب دکھ کا سورج سر پر ہو[/center]

[اضواء]

[center]کسی نے کاٹ دیا اک درخت جنگل سے
پھر اس کے بعد بہت دیر تک ہوا نہ چلی[/center]

[زین]

[center]ہمہ وقت رنج و ملال کیا، جو گزر گیا سو گزر گیا
اُسے یاد کر کے نہ دل دکھا، جو گزر گیا سو گزر گیا

نہ گلا کیا نہ خفا ہُوئے، یونہی راستے میں جُدا ہُوئے
نہ تُو بے وفا نہ میں بے وفا، جو گزر گیا سو گزر گیا[/center]

[اضواء]

[center]تم سے تو خیر گھڑی بھر کی ملاقات رہی
لوگ صدیوں کی رفاقت کو بھلا دیتے ہیں[/center]

[زین]

[center]اس لیے روشن کیا ہے تیرے چہرے کا چراغ
دوپہر تاریک ہے میرے مقدر کی طرح

ناشنا سا جس کی دیواریں ہیں،در اجنبی
وہ ملا مجھ سے ہمیشہ ایک نئے گھر کی طرح[/center]

[زین]

[اےآرفاروقی]

[center]

تم مِرے درد بھی، غم بھی ، مِرے آلام بھی تم
تم مِرا چین ہو جاناں، مِرا آرام بھی تم

کامیابی کو نہیں ہم نے تمہیں چاہا ہے
ہم تمہارے ہیں بھلے ہو گئے ناکام بھی تم

میں مسیحا ہوں اگر، میرا وظیفہ تم ہو
میں ہو مجرم تو مِری جاں مِرا الزام بھی تم

مختلف حیلوں بہانوں سے مجھے سوچتے ہو
ایک دن کُھل کے پکارو گے مِرا نام بھی تم

رات دن تم کو فقط تم کو مجھے سوچنا ہے
میری فرصت بھی تمہی اور مِرا کام بھی تم

جس سے روشن مرا آنگن ہے تمہی ہو
سچ تو یہ ہے کہ تمہی گھر ہو دَر و بام بھی تم

[/center]

[زین]

[center]اب کیسا گلہ میں‌تم سے کروں
جب نصیب ہی مجھ کو بھول گئے




ہم تم سے خفا بیٹھے ہی رہے
تُم ہم کو منانا ہی بھول گئے[/center]

[اضواء]

[center]

تم مِرے درد بھی، غم بھی ، مِرے آلام بھی تم
تم مِرا چین ہو جاناں، مِرا آرام بھی تم

کامیابی کو نہیں ہم نے تمہیں چاہا ہے
ہم تمہارے ہیں بھلے ہو گئے ناکام بھی تم

میں مسیحا ہوں اگر، میرا وظیفہ تم ہو
میں ہو مجرم تو مِری جاں مِرا الزام بھی تم

مختلف حیلوں بہانوں سے مجھے سوچتے ہو
ایک دن کُھل کے پکارو گے مِرا نام بھی تم

رات دن تم کو فقط تم کو مجھے سوچنا ہے
میری فرصت بھی تمہی اور مِرا کام بھی تم

جس سے روشن مرا آنگن ہے تمہی ہو
سچ تو یہ ہے کہ تمہی گھر ہو دَر و بام بھی تم

[/center]

بہت ہی بہترین انتخاب پر آپ کا بہت بہت شکریہ

[اضواء]

[center]اپني آنکھوں کو بڑي مشکل سے سلايا ھے آج
ميں نے خود کو تيرے خوابوں کا لالچ دے کر[/center]

[زین]

[center]کبھی منزلوں کی صورت میری دسترس سے باھر
کبھی سنگِ میل بن کر میرے راستے میں رھنا

میرے ھاتھ کی لکیریں تیرا نام بن کر چمکیں
میری خواھشوں کی خوشبو میرے زائچے میں رھنا[/center]