فلسطینی خاندان پر اسرائیلی پولیس کے ہولناک تشدد کی ویڈیو جاری
[center]
[/center]ویڈیو ٹیپ میں یہودی پولیس کے ہاتھوں ایک نہتے فلسطینی خاندان پر بہیمانہ تشدد کے ہولناک مناظر دکھائے گئے ہیں۔ رپورٹ کے مطابق یہودی پولیس اہلکار سنہ 1948ء کی جنگ کے دوران قبضے میں لیے گئے فلسطینی شہر"یافا" میں ایک خاندان کی خواتین، بچوں اور دیگر افراد کو بہیمانہ تشدد کا نشانہ بنا رہے ہیں۔
ویڈیو کے ہولناک مناظر سے معلوم ہوتا ہے کہ پولیس اہلکاروں نے فلسطینی خاندان کے تمام افراد، خواتین اور بچوں سب کو ایک کمرے کے کونے میں جمع کر رکھا ہے اور ان پر لاٹھیوں اور لاتوں سے تشدد کر رہے ہیں۔
ویڈیوکے مناظر میں ایک مقام پرایک یہودی اہلکار ایک شیر خوار بچے کو اس کی ماں کے ہاتھوں سے چھین کرفرش پر پٹخ رہا ہے، اس کے ساتھ ہی اس کی غم اور صدمے سے نڈھال ماں کو لاتوں اور لاٹھیوں سے پیٹنا شروع کر دیتا ہے۔
گھر میں گھس کر چادر اور چاردیواری کا تقدس پامال کرتے ہوئے دہشت گردی کا مظاہرہ کرنے والے صہیونی گماشتوں کے ہاتھوں سے فلسطینی خاندان کی عمر رسیدہ خاتون بھی محفوظ نہیں۔ بیڈ پر لیٹی اس معمرخاتون پر بھی یہودی پولیس اہلکار لاٹھیاں برسا رہے ہیں۔
ادھر انسانی حقوق کی تنظیموں نے واقعے کی شدید مذمت کرتے ہوئے اسے کھلی دہشت گردی قراردیا ہے۔ فلسطینی انسانی حقوق کی تنظیموں کا کہنا ہے کہ یہ واقعہ اس وقت پیش آیا جب صہیونی فوج ایک فلسطینی خاندان سے اس کا مکان جبرا خالی کرانے کے لیے اس کے گھرمیں داخل ہو گئی۔ اہل خانہ نے مکان خالی نہ کرنے کا کیا۔ اس پر دہشت گرد یہودی نہتے فلسطینیوں پر پِل پڑے اور انہیں وحشیانہ طریقے سے تشدد کا نشانہ بنایا۔
وحشیانہ تشدد کے بعد پولیس حکام نے خاندان کے دو افراد جو دونوں سگے بھائی بتائے جاتے ہیں کو حراست میں لے کر نامعلوم مقام پر منتقل کر دیا۔
ویڈیو دیکھیں.
[center][utvid]http://www.youtube.com/watch?v=xjHO9ruzBDA[/utvid][/center]
