گوگل ایڈسینس کی ٹرمز سے واقفیت حاصل کریں

[یاسر عمران مرزا]

گوگل ایڈسینس اکاوّنٹ حاصل کر لینے کے بعد آپ اپنے اکاوّنٹ میں لاگ ان ہو کر کئی اقسام کی رپورٹس اور جدول دیکھ پاتے ہیں۔ انہی رپورٹس اور شماریات کی بنا پر آپ اپنے اشتہارات اور صفحات میں بہتری لا سکتے ہیں چنانچہ آپکے لیے یہ جاننا ضروری ہے کہ ان رپورٹس میں موجود ٹرمز Terms کا کیا مطلب ہے۔ نیچے میں چند بنیادی ٹرمز کی تفصیل اور مطلب بیان کرتا ہوں۔

امپریشنز Impressions

اپنی ویب سائٹ پر گوگل ایڈسینس کا کوڈ لگا دینے کے بعد جتنی تعداد میں انٹرنیٹ صارفین آپ کا صفحہ کھولیں گے اور گوگل کے اشتہار مسلسل ظاہر ہوتے رہیں گے وہ تعداد اشتہارات کے امپریشنز Impressions کہلاتی ہے۔ اگر آپ نے ایک ویب پیج میں کئی اشتہارات لگا رکھے تو یہ تعداد زیادہ ہو جائے گی۔ مثال کے طور پر اگرآپکی ویب سائٹ کے ایک صفحے پر دو عدد ایڈ یونٹ Ad Unitsلگے ہیں اور آپکا صفحے پانچ بار کھولا جاتا ہے تو امپریشنز کی تعداد پانچ ضرب دو = دس ہو جائے گی۔

کلک Click

ایک قابل قبول کلک وہ ہوتا ہے جو ایک حقیقی صارف آپکی ویب سائٹ پر آ کر کسی ایسے اشتہار پر کرتا ہے جو واقعی کسی ایسی ویب سائٹ یا ویب صفحے کا ہے جہاں اس صارف کے مطلب کی کوئی چیز موجود ہو۔اس کلک کے نتیجہ میں اشتہار دینے والا گوگل کو ایک طے شدہ رقم دیتا ہے۔ جس میں سے گوگل اپنی کمیشن کاٹ کربقیہ رقم آپکے کھاتے میں منتقل کر دیتا ہے۔

پیج سی ٹی آر PageCTR

سی ٹی آر دراصل کلک تھرو ریٹ کا مخفف ہے ۔آپکی ویب سائٹ پر ایک سو بار اشتہار نظر آنے پر آپکی ویب سائٹ کے صارفین کتنی دفعہ ان اشتہارات پر کلک کرتے ہیں۔ مثال کے طور آپکی ویب سائٹ پر 500 بار اشتہار ظاہر ہونے پر صارفین ان پر 25 مرتبہ کلک کرتے ہیں تو سی ٹی آر 25 کو 500 پر تقسیم کرنے سے حاصل ہونے والی مقدار ہو گی۔ یعنی پانچ فیصد۔

ای سی پی ایم Page eCPM

ای سی پی ایم دراصل ایفیکٹو کاسٹ پر تھائوزینڈ امپریشنز کا مخفف ہے۔یعنی آپکی ویب سائٹ پر ایک ہزاربار اشتہار کے ظاہر ہونے پر آپکو کتنی آمدن ہو گی۔یہ مقدار ہم کمائی کو امپریشنز پر تقسیم کر کے حاصل کرتے ہیں۔ اس مقدار کو ہم مختلف ایڈسینس چینلز اور ایڈورٹائزنگ پروگرامز کا موازنہ کرنے کے لیے استعمال کرتے ہیں۔

[چاند بابو]

بہت خوب یاسر عمران بھیا بہت کام کی معلومات مہیا کرنے پر آپ کا بہت بہت شکریہ۔

[یاسر عمران مرزا]

پسند کرنے کا شکریہ بھائی

[اضواء]

عمدہ اور بہترین معلومات کا شکریہ

[علی عامر]

بہت عمدہ ... شکریہ.

[محمد شعیب]

بہت شکریہ یاسر صاحب
اگر گوگل ایڈسنس کے ٹرمز کا مکمل اردو ترجمہ ہو جائے تو ہم جیسے کم انگریزی جاننے والوں کے لئے آسانی ہوگی..
میں نے اس کے لئے پہلے بھی درخواست کی تھی لیکن کسی نے حامی نہیں بھری.
امید ہے آپ تعاؤن فرمائیں گے..

[یاسر عمران مرزا]

ہاں میں انشاء اللہ مزید ٹرمز کا ترجمہ بھی پیش کروں گا.

[چاند بابو]

بہت خوب یہ تو شاندار رہے گا اگر آپ نے ان ٹرمز اینڈ کنڈیشنز کا ترجمہ کر دیا تو۔

[محمد شعیب]

یاسر بھائی
انتظار ہو رہا ہے

[بلال احمد]

یار تھوڑا بہت ٹائم تو لگتا ہی ہے نہ

[یاسر عمران مرزا]

اچھا برادران . انشاء اللہ جلد کوشش کروں گا.

مسلہ یہ ہے کہ اک نمانی جان تے کم سو ہزار

[یاسر عمران مرزا]

ایڈ یونٹ Ad Unit

اشتہارات کا ایک مجموعہ جو تصاویر یا لکھائی کی شکل میں ایک مخصوص منتخب کیے گئے سائز میں کسی بھی ویب صفحے پر ظاہر ہو۔ اپنے ایڈ سینس اکاونٹ میں آپ اشتہارات کی نوعیت۔ رنگ، تحریری اشتہارات کی شکل وغیرہ اختیار کر سکتے ہیں۔ بعدازاں آپکو ایک جاوا سکرپٹ اور ایچ ٹی ایم ایل پر مشتمل کوڈ دیا جاتا ہے جسے آپ اپنے ویب صفحے میں لگا سکتے ہیں۔


ایڈ کوڈ Ad Code

ایک ایڈ یونٹ کے لیے جو ایچ ٹی ایم ایل کوڈ گوگل آپکو مہیا کرتا ہے تا کہ آپ اسے اپنے ویب صفحے کی ایچ ٹی ایم ایل میں شامل کر کے اشتہار کا ظاہر ہونا ممکن کرتے ہیں۔


سی پی سی Cost-per-click (CPC)

کاسٹ پر کلک وہ رقم ہے جو آپکی ویب سائٹ پر لگے گئے اشتہار پر ایک کلک ہونے کے بعد گوگل ایڈ سینس کی طرف سے بطور کمیشن آپکو دی جاتی ہے۔ کیوں کہ ایسا ہونے کے بعد آپ کے توسط سے ایک انٹرنیٹ صارف گوگل کے ان صارفین تک جاتا ہے جنہوں نے گوگل ایڈورڈز کو صارفین بھیجنے کے لیے پیسے جمع کرا رکھے ہوتے ہیں۔ کسی بھی اشتہار کی کاسٹ پر کلک اشتہار دینے والا متعین کرتا ہے۔ قیمت کے کم یا زیادہ ہونے کی بنیاد پر گوگل ان اشتہارات کے لیے اچھے ویب صفحات یا عام درجے کے ویب صفحات پر ظاہر ہونا متعین کرتا ہے۔ تاہم یہ بحث گوگل ایڈورڈز کے متعلقہ ہے جو کہ ہمارا موضوع نہیں ہے۔


کرالر Crawler

کرالر کو عام طور پر سپائڈر یا بوٹ بھی کہا جاتا ہے۔ یہ دراصل ایک سافٹ وئر ہے جو مسلسل انٹرنیٹ پر موجود ویب صفحات کو پڑھتا رہتا ہے اور ان صفحات میں موجود ڈیٹا کو ان کے متعلقہ زمرہ جات میں محفوظ کرتا رہتا ہے۔ کرالر کسی بھی وقت آپ کے ویب صفحے پر آ کر آپکے صفحے پر موجود مواد کا جائزہ لیتا ہے اور پھر اسی طرز کے اشتہار آپ کے صفحے پر ظاہر کرتا ہے جس قسم کا مواد آپکے ویب صفحے پر موجود ہے۔ مثال کے طور پر اگر آپ کھیلوں کے متعلق مضامین لکھتے ہیں تو آپکی ویب سائٹ یا بلاگ پر گوگل کی جانب سے کھیلوں کا سامان بنانے والے اداروں کے اشتہار ظاہر ہوں گے۔ یا مختلف سپورٹس کلب کے اشتہار ظاہر ہوں گے۔


ٹیکسٹ ایڈز یا امیج ایڈز Dynamic image ads or Text Ads

گوگل ایڈسینس کے اشتہارات کو بنیادی طور پر دو اقسام میں تقسیم کیا جاتا ہے۔ ٹیکسٹ پر مبنی اشتہارات جن میں صرف عبارت ہوتی ہے اور تصویری اشتہارات جن میں اشتہار دینے والا اپنا پیغام ایک تصویر کی صورت میں پیش کرتا ہے


ایڈ رینک اور پوزیشنگ Ad rank/Positioning

کسی بھی اشتہار کا اچھے ویب صفحات اور ان صفحات پر واضح مقامات پر ظاہر ہونا ان کی کاسٹ پرکلک کی قیمت کے حوالے سے متعین کیا جاتا ہے۔


چینل Channel

جو لوگ گوگل ایڈسینس کا اکاونٹ حاصل کر لیتے ہیں انہیں پبلشر کہا جاتا ہے۔ کیوں کہ وہ گوگل اشتہارات اپنے ویب صفحات پر پبلش کرتا ہے۔ کوئی بھی پبلشر اپنی مختلف ویب صفحات یا ویب سائٹس سے ہونے والے کلکس کی تعداد معلوم کرنے کے لیے چینل بنا سکتا ہے۔ یوں وہ معلوم کر سکتا ہے کہ کونسی ویب سائٹ پر اسے زیادہ صارفین مل رہے ہیں اور کتنی آمدن ہو رہی ہے۔ یوں کم آمدن ہونے والی ویب سائٹس یا ویب صفحات پر محنت کر کے انہیں بہتر بنا سکتا ہے۔

[چاند بابو]

بہت خوب یاسر عمران بھیا نئی قسط میں نئی معلومات دینے کا بہت بہت شکریہ۔

[علی عامر]

نہایت ہی آسان زبان میں بہترین معلومات سے نوازا ہے. شکریہ

[یاسر عمران مرزا]

او شعیب پائی کدھر گئے نیں
سر جی ہون دسو خوش او کہ نئیں ؟

چاند بابو تواڈا شکریہ
علی عامر بھائی تواڈا وی شکریہ

ویسے ایس فورم دے لوگ پنجابی تے سمجھدے نے ناں‌؟

[بلال احمد]

بصد شکریہ عمران بھائی

[چاند بابو]

او شعیب پائی کدھر گئے نیں
سر جی ہون دسو خوش او کہ نئیں ؟

چاند بابو تواڈا شکریہ
علی عامر بھائی تواڈا وی شکریہ

ویسے ایس فورم دے لوگ پنجابی تے سمجھدے نے ناں‌؟

یاسر ویسے تاں پنجابی والے فورم توں علاوہ پنجابی بولن دی اجازت نیئں،
پر تسی چونکہ پیلی واری ایھ کم کیتا اے ایس لئی توانوں کجھ نئیں کہیا جائے گا۔

شعیب ایتھے آندا ای ہوئے گا، پھر پورا خوش نئیں ہوئے گا۔
کیونکہ شیعب دا سوال تواڈے جواب نالوں تھوڑا مختلف سی۔

شعیب ہوراں نے توانوں آکھیا سی کہ گوگل ایڈ سنس دے قانوناں دا اردو ترجمہ کر دیو۔
پر تسی ایدھی ٹرمز دا ای اردو ترجمہ کیتا اےتے قانوناں دا ترجمہ ہجے باقی اے۔

ویسے ایس فورم تے تھوڑے لوکی ایداں دے نے جیہڑے پنجابی بالکل نئیں سمجھدے۔
باقی سارے لوک پنجابی بول تے سمجھ لیندے نے۔

[محمد شعیب]

یاسر بھائی آتے آتے دیر ہو گئی
کل سارا دن نیٹ سے دور رہا
خیرا ٹرمز کا ترجمہ کرنے کا بہت بہت شکریہ
لیکن جیسا چاند بابو نے کہا کہ میں نے گوگل ایڈسنس کے قوانین کا ترجمہ کرنے کی عرض کی تھی
کہ گوگل نے اپنے اشتہارات لگانے والوں کو کن کن قواعد وقوانین کا پابند کیا ہے؟
بالفاظ دیگر وہ کون کونسے کام ہیں جن کا لحاظ نہ رکھنے کی وجہ سے ایڈسنس کا اکاؤنٹ بلاک ہو جاتا ہے.....

[بلال احمد]

کیا ہم بھی پنجابی سپیک سکدے ہیں؟؟؟

[چاند بابو]

جی نہیں آپ یہاں پنجابی بالکل نہیں سپیک سکدے
ہاں پنجابی والے دھاگے میں جیسے دل چاہے ویسے سپیکو۔