شہاب نامہ قدرت اللہ شہاب کی خودنوشت کہانی ہے۔ شہاب نامہ مسلمانان برصغیر کی تحریک آزادی کے پس منظر ، مطالبہ پاکستان، قیام پاکستان اور تاریخ پاکستان کی چشم دید داستان ہے۔ جو حقیقی کرداروں کی زبان سے بیان ہوئی ہے۔ شہاب نامہ دیکھنے میں ضخیم اور پڑھنے میں مختصر کتاب ہے۔ شہاب نامہ امکانی حد تک سچی کتاب ہے۔ قدرت اللہ شہاب نے کتاب کے ابتدائیہ میں لکھا ہے کہ،
میں نے حقائق کو انتہائی احتیاط سے ممکنہ حد تک اسی رنگ میں پیش کرنے کی کوشش کی ہے جس رنگ میں وہ مجھے نظرآئے۔
جو لوگ قدرت اللہ شہاب کو جانتے ہیں ان کو معلوم ہے کہ یہ ایک سادہ اور سچے انسان کے الفاظ ہیں ۔ قدرت اللہ شہاب نے اس کتاب میں وہی واقعات لکھے ہیں جو براہ راست ان کے علم اور مشاہدے میں آئے اس لئے واقعاتی طور پر ان کی تاریخی صداقت مسلم ہے۔ اور بغیر تاریخی شواہد یا دستاویزی ثبوت کے ان کی صداقت میں شک کرنے کا کوئی جواز نہیں۔ البتہ حقائق کی تشریح و تفسیر یا ان کے بارے میں زاویہ نظر سے اختلاف ہو سکتا ہے۔عمومی طور پر شہاب نامہ کے چار حصے ہیں،
١)قدرت اللہ کا بچپن اور تعلیم ٢) آئی سی ایس میں داخلہ اور دور ملازمت
٣)پاکستان کے بارے میں تاثرات ٤) دینی و روحانی تجربات و مشاہدات
ان چاروں حصوں کی اہمیت جداگانہ ہے لیکن ان میں ایک عنصر مشترک ہے اور وہ ہے مصنف کی مسیحائی۔ وہ جس واقعہ کا ذکر کرتے ہیں وہ لفظوں کے سیاہ خانوں سے نکل کر قاری کے سامنے وقوع پذیر ہونا شروع کر دیتا ہے۔ وہ جس کردار کا نقشہ کھینچتے ہیں وہ ماضی کے سرد خانے سے نکل کر قاری کے ساتھ ہنسنے بولنے لگتا ہے۔
اس کتاب میں ادب نگاری کی شعوری کوشش نظر نہیں آتی ۔ بے ہنری کی یہ سادگی خلوص کی مظہر ہے اور فنکاری کی معراج ، یہ تحریر ایمائیت کا اختصار اور رمزیت کی جامعیت لئے ہوئے ہے۔ کتاب کا کےنوس اتنا وسیع ہے کہ اس کی لامحدود تفصیلات اور ان گنت کرداروں کی طرف اجمالی اشارے ہی کئے جا سکتے ہیں۔ لیکن یہ اشارے بھر پور ہیں۔
بہت خوب چاند بابو
شہاب نامہ پر بہترین تبصرہ اور ڈاؤن لوڈ لنک پیش کرنے کا شکریہ
چاند بابو میں نے ابھی تک شہاب نامہ نہیں پڑھا شاید پڑھنے کے بعد مجھے میرے سوال کا جواب مل جائے لیکن اگر آپ کو معلوم ہے تو ابھی بتلا دیں
قدرت اللہ شہاب کے زمانے میں جو آئی سی ایس ہوتا تھا، وہ کیا تھا ؟
آج کل تو انٹر ان کمپیوٹر سائنسز کو آئی سی ایس کہیتے ہیں. اس زمانے میں اس سے کیا مراد تھی ؟
میں نے اس کتاب کو آج سے تقریبا پندرہ سال پہلے پڑھا تھا مگر اسوقت یہ سر کے اوپر سے گزر گئی تھی.
اب پپو ڈاکٹر کی مہربانی سے دوبارہ کتابیں پڑھنے کا شوق چرایا تو میں نے دوبارہ شروع کی ہے اور آج انشااللہ ختم ہو جائے گی.
بہت بہترین کتاب ہے جو نا صرف قدرت اللہ شہاب صاحب کی ذاتی زندگی کے باب ہم پر کھولتی ہے بلکہ پاکستانی ایوانوں میں پائی جانے والی گندگی کو بھی کھول کر بیان کرتی ہے.
اور ہاں شعیب بھیا آئی سی ایس کا مطلب ہے انڈین سول سرونٹس جیسے ہمارے پاکستان میں فیڈرل سول سرونٹس یا صوبوں میں پراونشل سول سرونٹس ہوتے ہیں جو آجکل بالترتیب ایف پی سی ایس اور پی سی ایس کہلاتے ہیں.
میرے خیال میں ایک حقیقی صحافیات اور سیاست کے طالب علم کو یہ کتاب ضرور پڑھنی چاہئے یہ علم و تحقیق کی بے شمار راہیں کھولنے کے لئے کافی ہے اور وہ بہت کچھ جو اس فیلڈ سے وابستہ افراد بہت عرصہ کی محنت کے بعد حاصل کرتے ہیں یہ کتاب انہیں یہ سب پہلے سے بتا دیتی ہے.
جس میں سول سرونٹس کی داستانیں بھی ہیں سفارتی اداب و حربے بھی ہیں ایوانوں میں پکنے والی کھچڑیوں کی کہانیاں بھی ہیں، ارضِ پاک کے خلاف ہونے والے فتنے بھی ہیں تو ایک محبِ وطن اور پابندِ شریعت سول سرونٹ کی زندگی کے حالات بھی ہیں.
یہ کتاب ہمہ وقت ایک سفرنامہ بھی ہے ایک آپ بیتی بھی ہے اور ایک مکمل ناول بھی.
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
بہت بہت شکریہ چاند بابو
آپ کے فراہم کردہ پہلے کبک سے پی ڈی ایف فائل ڈاؤن لوڈ کی لیکن فائل میں کوئی ایرر تھا
This file is damaged
اس قسم کا ایرر دے رہا ہے.
دوسرے لنک سے ڈاؤن لوڈ نہیں ہو رہی.
اشفاق علی wrote:بہت خوب ماجد بھائی، میں نے کالج کے زمانے میں اس کتاب کو پڑھا تھا. اور واقعی میں اسکو بہترین پایا تھا. شیئر کرنے کے بے حد شکریہ.
اشفاق بھائی میری فرمائش پر اگر ہو سکے تو اس کو دوبارہ پڑھیں میں نے بھی اسے آج سے اکیس سال پہلے پڑھا تھا مگر اس وقت کے پڑھنے اور آج کے پڑھنے بڑا فرق محسوس ہوا امید ہے آپ بھی اس فرق کو نمایاں طور پر محسوس کریں گے
[/center]
