مرحلے شوق کے دُشوار ہُوا کرتے ہیں

[چاند بابو]

[center]مرحلے شوق کے دُشوار ہُوا کرتے ہیں
سائے بھی راہ کی دیوار ہُوا کرتے ہیں

وہ جو سچ بولتے رہنے کی قسم کھاتے ہیں
وہ عدالت میں گُنہگار ہُوا کرتے ہیں

صرف ہاتھوں کو نہ دیکھو کبھی آنکھیں بھی پڑھو
کچھ سوالی بڑے خود دار ہُوا کرتے ہیں

وہ جو پتھر یونہی رستے میں پڑے رہتے ہیں
اُن کے سینے میں بھی شہکار ہُوا کرتے ہیں

صبح کی پہلی کرن جن کو رُلا دیتی ہے ،
وہ ستاروں کے عزا دار ہُوا کرتے ہیں

جن کی آنکھوں میں سدا پیاس کے صحرا چمکیں
در حقیقت وہی فنکار ہُوا کرتے ہیں

شرم آتی ہے کہ دُشمن کِسے سمجھیں محسن
دُشمنی کے بھی تو معیار ہُوا کرتے ہیں[/center]

[محمد شعیب]

بہت خوب چاند بابو
کیا بات ہے

[علی عامر]

بہت عمدہ .... شکریہ!

[چاند بابو]

پسندیدگی کا شکریہ۔

[افتخار]

چاند بابو
کیا بات ہے

[چاند بابو]

آپ کو بھی شکریہ۔
ویسے اس پینٹ کوٹ میں جچ رہے ہو آپ۔
کیا نیا لیا ہے ؟

[بلال احمد]

آپ کو بھی شکریہ۔
ویسے اس پینٹ کوٹ میں جچ رہے ہو آپ۔
کیا نیا لیا ہے ؟

اس کو کہتے ہیں چکر دینا.

افتخار بھائی پوچھ رہے ہیں کیا بات ہے اور چاند بھائی کہتے ہیں آپ بہت اچھے لگ رہے ہیں

[اعجازالحسینی]

وہ جو سچ بولتے رہنے کی قسم کھاتے ہیں
وہ عدالت میں گُنہگار ہُوا کرتے ہیں


بہت خوب

[چاند بابو]

ارے واہ واہ کیا بات ہے
حاجی اعجاز الحسینی صاحب اب تو آپ شاعری پر بھی اتر آئے ہیں۔
ویسے آپ سے اتنی امید نہیں تھی۔
خدارا آئندہ ایسا مت کرنا، ایک شاعری ہی تو بچی تھی آپ سے،
اور آپ وہاں بھی پنجہ آزمائی کر رہے ہیں۔
خدارا ہم سب پر اور شاعری پر رحم کیجئے ورنہ چچا غالب کی روح آپ سے بھیانک انتقام لے گی۔

[rohaani_babaa]

پیارے چاند بابو بہت خوب یہ بتائیے کہ یہ محسن نقوی ہیں یا محسن احسان۔۔۔۔۔۔
اور دوسری بات یہ کہ محترم اعجاز الحسینی کو پوسٹ کرتے ہوئے طبع آزمائی کو کیا کمال فنکاری سے پنچہ آزمائی میں بدل دیا واہ واہ بہت طویل عرصہ کے بعد کسی بات نے ہم کو متوجہ کیا۔۔۔۔۔۔۔

[چاند بابو]

روحانی بابا جی یہ محسن نقوی کی غزل ہے۔
اور خدارا آپ اعجاز الحسینی صاحب کی اتنی تعریف نا کیجئے ورنہ یہ پورے فورم کا بیڑہ غرق کر دیں گے، جہاں چاہیں گے وہیں شاعری کر دیں گے۔
اور اردونامہ کے پاس تو صفائی کے لئے کوئی ملازم بھی موجود نہیں ہے۔

[دعا بٹ]

لاجواب