لکیر کھینچ کے ایڑی سے حاشیہ دیتے ... قمر ساجد

[چاند بابو]

[center] غزل
لکیر کھینچ کے ایڑی سے حاشیہ دیتے
الگ خدا سے جہاں ایک اور بنا دیتے

ہمارے ہاتھ میں تو خاک بھی نہیں ورنہ
بڑی زمین پہ چھوٹی زمیں بنا دیتے

دہکتی آگ چرا کر خدا کی دوزخ سے
حریص ِ خُلد کو دنیا میں ہی سزا دیتے

بھٹک رہے ہیں خلا میں شہاب کی صورت
یہ اور بات ستاروں کو را ستہ دیتے

گھروں کے طاق میں رکھتے ہم آفتاب قمر
سحر بجھاتے اسے شام کو جلا دیتے
قمر ساجد[/center]

[افتخار]

[nizamuddin]

بہت عمدہ ۔۔۔۔ واہ

[محمد شعیب]

بھائی یہ قمر ساجد کون ہیں ؟
نام پہلی مرتبہ پڑھا. بہت کمال کا لکھا ہے. کیا ان کی مزید شاعری بھی ایسی ہے ؟

[اضواء]

[center] غزل


گھروں کے طاق میں رکھتے ہم آفتاب قمر
سحر بجھاتے اسے شام کو جلا دیتے
قمر ساجد[/center]

بہترین انتخاب کی فراہمی پر آپ کا بیحد شکریہ چاند بھیا

[چاند بابو]

بھائی یہ قمر ساجد کون ہیں ؟
نام پہلی مرتبہ پڑھا. بہت کمال کا لکھا ہے. کیا ان کی مزید شاعری بھی ایسی ہے ؟

جی شعیب بھیا قمر ساجد جنوبی پنجاب کے شاعر ہیں.
پیشے کے لحاظ سے انجئنیر ہیں اور ایک سرکاری ادارے سے وابستہ ہیں.
چونکہ اپنے دفتری معاملات میں زیادہ فعال ہیں اس لئے بطور شاعر زیادہ فعال نہیں ہیں.
یہی وجہ ہے کہ شاعری کے حوالے سے اپنی زیادہ پہچان نہیں رکھتے البتہ حلقہ احباب میں خاصے مقبول ہیں.
ان کی شاعری زیادہ تر اسی لہجے کی ہے.
صاحبِ کتاب شاعر ہیں ان کی کتاب اردونامہ کے سرورق پر موجود ہے.
پڑھنے کے لئے یہ لنک کھولئے.

[محمد شعیب]

میں ڈاؤن لوڈ کر کے مطالعہ کرتا ہوں.

[مجیب منصور]

ماجد بھائی: یہ شعر
لکیر کھینچ کے ایڑی سے حاشیہ دیتے
الگ خدا سے جہاں ایک اور بنا دیتے

اس میں نیچے والا مصرع محل نظر ہے، یہ جہالت پر مبنی ہے، ہم سب اللہ کی خدائی کی خدائی میں رہتے ہیں، اور معذرت کے ساتھ یہ کون جاہل شاعر ہے جو کہہ رہاہے کہ ہم الگ خدا سے ایک نیا جہان بنانا چاہتے ہیں، اگر ناراض نہ ہوں تو ایسے شاعر گمراہی پھیلاتے ہیں.
اسی طرح یہ نیچے والا مصرع بھی جہالت پر مبنی ہے.
دہکتی آگ چرا کر خدا کی دوزخ سے
حریص ِ خُلد کو دنیا میں ہی سزا دیتے

یہ شاعر کون ہوتاہے سزا دینے والا، سمجھ نہیں آرہی ان شاعروں کے دماغ میں کیا ہوا بھری ہوتی ہے، میں سب کی بات نہیں کرتا، جو گمراہ قسم کے شاعر ہوتے ہیں ان کی بات کرتاہوں.
ماجد بھائی آپ تو ہمارے سر کے تاج ہیں کم از کم ایسے لوگوں کی شاعری سے اردونامہ کی حفاظت کیا کریں.

[محمد شعیب]

مجیب بھائی
جہاں تک میں سمجھا ہوں شاعر یہاں کچھ اور بیان کرنا چاہ رہا ہے.
اگر انسان کے ہاتھ میں اتنی طاقت آ جاتی تو وہ کیا کیا کرتا ؟
اس بات پر روشنی ڈالی جا رہی ہے. یعنی یہ تو اچھا ہے کہ انسان کے ہاتھ میں کچھ نہیں.ورنہ وہ کیا کیا کرتا پھرتا ..

[چاند بابو]

مجیب بھیا آپ کی بات اپنی جگہ بالکل درست ہے مگر شاعر یہاں یہی تو بات کر رہا ہے اپنی کمزوری کا اظہار ہی تو کر رہا ہے کہ اس کے ہاتھ میں تو کچھ بھی نہیں ہے جو کرتی ہے خدا کی ذات ہی کرتی ہے اور اگر اس کے ہاتھ میں کچھ ہوتا تو وہ ایسے کرتا مگر ساتھ میں یہ بھی بتاتا ہے کہ اس کے ہاتھ میں کچھ بھی نہیں ہے.

[مرید باقر انصاری]

بھائ مجھے کتاب نهیں مل رهی کوئ مدد کرے میری میں نے کتاب ڈاؤنلوڈ کرنی هے ...

[محمد شعیب]

بھائ مجھے کتاب نهیں مل رهی کوئ مدد کرے میری میں نے کتاب ڈاؤنلوڈ کرنی هے ...

کیا آپ کے پاس کوئی پی ڈی ایف ریڈر انسٹال ہے یا نہیں ؟

[چاند بابو]

بھائ مجھے کتاب نهیں مل رهی کوئ مدد کرے میری میں نے کتاب ڈاؤنلوڈ کرنی هے ...

ڈاؤنلوڈ کرنے کے لئے اس لنک پر کلک کیجئے.
[link]https://www.scribd.com/document_downloa ... urce=embed[/link]